美聯儲加息及收縮資產負債表！！對大學生報5大行業的重要影響！

【重要消息！美聯署加息及收縮資產負債表會點樣影響你來年嘅Application Strategies？】如果同學有睇新聞，都一定會留意到美國聯儲局宣佈加息，及係6月1日開始收縮資產負債表(balance sheet reduction)！呢個消息其實會直接影響1️⃣S&T、PB及AM、2️⃣CMB及Corp Bank、3️⃣地產業、4️⃣FMCG、5️⃣Consulting呢幾個行業！今日HKCareers就會為你講解下：

✅加息及縮表究竟係咩事？

✅加息及縮表對你來年報5大行業的重要影響

✅來年面試必Prep問題：宏觀經濟狀況會點樣影響到你報嘅公司！

由於今篇文嘅內容真係非常重要，同學記得一定要Save低再繼續睇落去！

.

✅加息及縮表超簡介

📍加息：一種中央銀行收緊貨幣政策的手段。當央行決定要加息個陣，銀行亦會將利率提高⬆️，而民眾放係銀行入面嘅存款利率會高左，但相對黎講，借貸嘅成本亦會提高💰。加息嘅目的包括減少貨幣供應、壓抑消費同埋通脹、減緩市場投機等等。但原來利率變化係會影響經濟嘅好多方面架，包括房屋銷售🏠、抵押貸款、股市等

.

📍縮表：中央銀行減少資產負債表上面所持有嘅債券。因為美聯儲過去係量化寬鬆時期個陣大量買入美國公債、房貸抵押證券等資產，造成資產負債表迅速膨脹。隨著市場復甦，聯準會就會透過縮減資產負債表，回收市場資金♻️，以免造成資產泡沫化或者通脹飆升嘅風險⚠️

.

✅加息及縮表對你來年報工的重要影響

今日HKCareers將會為你詳細分析，加息同縮表對同學去報以下5大行業嘅影響！

.

1️⃣對投資市場 — 投行S&T、PB及AM嘅影響

最大嘅問題就係會令到投資市場大跌，特別係股票同埋虛擬貨幣📊！因為加息縮表之後，大批資金會離場🏃🏽，市場上嘅「熱錢」會逐漸消退。而當股市唔好嘅時候，其實亦都代表整體嘅經濟會變差😭。而鑑於通脹嘅上行風險，將會促使聯儲局採取更積極嘅行動，所以加息肯定就唔只一次😱！各種金融商品嘅投資者都會留意回檔嘅風險，係呢個過程入面睇清邊啲企業同埋商品被嚴重灌水。黎緊呢一年會充滿好多嘅不決定性。而當投資市場表現欠佳，同埋需求無咁大嘅時候，自然而然就影響S&T、PB、AM等行業啦

.

2️⃣對商業及企業銀行嘅影響

影響就好壞參半啦！因為加息有助銀行擴大利差，顧名思義就可以令商業及企業銀行係每一筆貸款入面賺多啲利息收入👍，提高獲利。但同時亦令企業借錢做生意嘅成本高左好多，因為要還多好多息，可以預見客戶會更加謹慎，唔敢隨便借錢擴張，借貸意欲大幅降低🙅🏼‍♂️，自然有可能影響生意！同學都知CMB同Corp Bank最重要嘅就係呢啲借錢嘅公司客啦，如果少左客，其實個影響係非常深遠

.

3️⃣對地產業嘅影響

同學都知係香港買樓幾難架啦🏠，而加息就會令大家買樓嘅成本再高左，變相就少左人買得起。甚至我地從建築商嘅角度出發，佢哋借貸做project嘅成本都高左🧐，所以變相都係直接咁影響緊地產業

.

4️⃣對FMCG業嘅影響

雖然影響就無前面提及嘅行業咁大，但係加息亦會直接降低消費者嘅消費意欲🍔，某種程度上會降低FMCG行業嘅銷售額

.

5️⃣對咨詢業嘅影響

似乎加息縮表對咨詢業就無直接嘅影響🤔，但其實當以上政策廣泛咁影響S&T、PB、AM、銀行業等consulting firms嘅主要客戶個陣，其實影響都唔係話無～如果今次嘅加息縮表持續得耐啲嘅話，有機會令好多公司倒閉😢，亦會減少咨詢公司嘅客戶數量

.

✅來年面試必Prep問題：宏觀經濟狀況會點樣影響你報𠴱間公司嘅業務及客戶！

好多公司面試個陣都會問同學：「你點睇呢個行業未來嘅發展？」除左HKCareers以前提及過嘅科技化等，加息縮表絕對會係另一個超重要嘅因素🌟！同學就要諗下加息縮表對整體宏觀經濟同埋行業未來發展嘅影響，以及應該要點樣應對啦，準備多啲，咁樣面試先萬無一失架嘛💡