想入IBD 同學必讀 劉鑾雄兩個發跡財技 成為「股壇狙擊手」
早前大劉 (劉鑾雄) 同前女友呂麗君一同現身喺銅鑼灣皇室堡，引起傳媒廣泛關注，有唔少人猜測佢地係咪復合。不過大劉發聲明指該次只係純商業交易會面，佢會以個人名義用四千萬接手呂麗君位於灣仔嘅物業。更指自己一早就以信托形式保住子女喺呂麗君手上嘅物業業權。以上都係有錢人常用嘅方法，確保自己嘅財產得以傳承。但唔講你唔知，大劉嘅發跡史同佢精通財技非常有關，令佢可以成功吞併唔少公司！想入IBD，或純粹想學吓有錢人有咩常用財技嘅同學就一定要俾個♥️再睇落去啦！
【「股壇狙擊手」——大劉最叻高賣低買】
劉鑾雄早年加入家族吊扇企業愛美高，成功上市。但大劉心明靠實業好難達到佢嘅財富目標，於是開始佢嘅財技之路，第一步係拋售愛美高股票再趁低吸納，從中獲利良多之餘又拎到公司嘅話事權。
不過最令佢一炮成名嘅係對華人置業嘅收購。當時大劉手上連一股華置嘅股份都無，喺馮李兩家人競爭最激烈、內斗消耗嘅時候忽然提出收購，資金充裕，時機合適，令大劉以數十億資金接手估值近百億嘅華置，而佢嘅成功都唔係偶然，之後對中華煤氣、嘉道理酒店嘅狙擊都非常成功，更喺08年次貸危機前就未雨綢繆，喺爆發前幾近清倉所有持股。
【精通財技 眼界準確】 劉鑾雄有非常敏銳嘅商業觸角，低買高賣係簡單嘅概念，但係點樣利用槓桿、市場情緒以及追蹤嚴重低估或者係內鬨分裂嘅優質公司，再配以高度耐性去增加自己嘅持股比例先係劉鑾雄值得同學留意嘅地方。唔單只係成為iBanker需要具備嘅能力，亦都對將來出路發揮到無限嘅幫助，不同行業都需要！ 【穩定高回報 難免跌眼鏡】
除咗以上所講，劉鑾雄另一特色係佢會追求有穏定租金收益嘅投資產品，例如物業。不過佢都唔喺完全無跌眼鏡，投資失利嘅時候。例如我哋之前同同學介紹嘅垃圾債券，大劉之前就持有大量恒大嘅債券，恒大爆煲後，劉鑾雄都虧損咗近百億港元㗎！
而講到恒大，手持20億資產嘅呂麗君就傳聞背後有投資顧問劉鎮鴻Jeff Lau嘅幫助，持有恒大債券，並且炒孖展加大投資注碼，結果恒大爆煲被逼斬倉，所有資金付諸流水，先要大劉相助。
傳聞更指，雖然呂麗君投資失利，但Jeff Lau作為顧問，近五千萬嘅佣或者依然可以袋袋平安，可能比起佢之前喺Blackstone或者摩利做分析師賺得更多。
【iBanker另類機遇：馬雲與Credit Suisse】
講開投資顧問，馬雲與Credit Suisse亦喺一個好好嘅例子。有研究開阿里巴巴融資情況嘅同學會發現，Credit Suisse經常成為阿里巴巴嘅投資顧問或者係承銷商，交易過三十宗，當中瑞信賺取承銷費係阿里巴巴合作partner中數一數二嘅。有傳長期嘅合作係因為瑞信有位跟咗馬雲十幾年嘅投資顧問，喺馬雲仲未發跡嘅時候就已經同佢合作，相信由佢介紹馬雲入瑞信嘅IBD referral fee，估計過億。重點：佢嘅年齡都只係三四十歲。所以iBank行業嘅魅力唔係在於佢嘅人工，而係呢個經歷可以為你帶嚟嘅人脈、幫助及見識。
所以iBank呢個行業雖然辛苦，競爭非常大，不過點解咁多同學依然對佢趨之若䳱？高薪厚職係當中其中一個誘因！但同學入左呢個行業，最重要係累積自己嘅經驗同知識，本來就有business sense嘅或者可以發展自己嘅商業版圖，而係工作中接觸唔同嘅客群，出路亦會拓闊，甚或你可以搶先一步接觸下一位馬雲㗎！ 你都想殺入投行？第一件事當然喺 Follow @IBankCoaching ，同Click IG Bio條Link，Subscribe IB WhatsApp Broadcast，掌握大學生必知嘅投行資訊！
Comentários