年頭必讀！2023年BNY Mellon5️⃣大環球經濟及市況預測
【2023經濟會喺點？點樣影響你搵工同準備面試？】喺同學好認真咁計劃緊來年嘅大計之時，你有無諗過，其實各大投行及銀行同樣喺度預測緊2023嘅經濟走勢，分析嚟緊一年嘅投資方向同策略！閱讀專業嘅Market Outlook，有助同學：
✅快速建立Market Views
✅為之後嘅面試做準備
✅知道不同投行及銀行關心邊類Asset Class同事件！
所以想要喺新一年搵工有好成績，喺年頭要做嘅第一件事，就係閱讀大行報告！但咁多間大行咁多份報告，你又應該由邊份睇起？HKCareers💡咨詢咗幾位IB Coaches嘅意見後，今日就率先為你整理咗BNY Mellon對2023嘅市況預測！想用一篇文嘅時間對新年市況有個初步理解？俾個♥️就睇落去啦！
.
📍BNY Mellon超簡介
BNY作為美資行，全球擁有超過4萬個員工。主要業務係證券服務同埋資產管理。本身喺BNY Mellon服務嘅IB Coaches亦同小編分享，該行最出名就係做托管服務，作為intermediary bank，佢哋嘅payment market做得相當出色！咁佢哋對市場嘅預測又係點？繼續睇落去！
.
📍2023年BNY Mellon5️⃣大環球經濟及市況預測
1️⃣2023會唔會有經濟衰退？
首先我哋要了解喺2022美國通脹達到40年嚟最高，迫使美聯儲(FED)要加快加息速度，令到2022買債券嘅人蝕咗好多錢，咁到底2023年會唔會變好？
❇️睇返11月嘅CPI，就知道通脹已經達到頂點，令到中央銀行有空間減慢加息步伐，逐漸減少加息嘅誘因，但係由於之前不斷密集式加息，就算而家維持同一水平，利率都比以前高好多，變相經濟發展會較困難。例如如果借貸成本增加，房貸利率轉移俾租客令到負擔大咗，咁租客自然就會減少花費。雖然政策可以成功控制通脹，但同一時間令到經濟發展變差，影響不同公司嘅盈利發展。BNY認為有70%機會會陷入全球經濟衰退，但係就唔會好嚴重或者維持太長時間
.
❇️不過，研究發現投資市場會喺真正經濟復甦之前，已經開始有上升嘅跡象。即係GDP真正上升之前，市場已經會有感覺，吸引投資者開始入市，令到價格就會開始飆高。但問題喺會令到投資者好難判斷入市嘅好時機，所以keep住長期投資，或者會好過等一個投資嘅最佳時機。總括來說，BNY雖然預測新一年投資環境比較嚴峻，但亦認為有危就有機，投資機會依然充裕
.
2️⃣2023通脹會點？
❇️通脹放緩但仍然處於高位
即使美國通脹高企，但美國經濟其實不錯，BNY認為通脹放緩但仍然處於高位嘅原因喺：
⭕️勞動市場緊缺：人才短缺，令到公司要加人工挽留人才。市民多咗人工，就會拉高物價水平。同埋之前COVID-19市民儲咗好多錢，變相而家就可以洗多啲錢，咁就可以促進美國經濟，但同一時間拉高左通脹
⭕️由於美聯儲22年已經預測到呢個狀況，所以連續四次不斷加75 basis pt。根據BNY數據顯示，通脹已經封咗頂，由11月開始通脹已經開始回落，同埋美聯儲開始減慢加息周期，但係同一時間有好多持久性通脹誘因，例如： 加人工、租客承受昂貴租金，令到美聯儲需要持續收縮貨幣政策，令到經濟稍微衰退
⭕️歐洲：因為俄烏衝突，令到各地都有唔同制裁政策，制裁引起歐洲能源危機，減少咗能源入口，變相能源成本增大，導致工業生產力下降，發展開始拖慢，令到通脹有上升嘅壓力。但係即使通脹維持響10%左右，EU暫時發展都唔會差，不過長遠來講就會陷入經濟衰退
⭕️中國：開關以來，經濟預計會有起色，但市場擔心實際開關速度從而影響經濟復甦效果
.
3️⃣美聯儲加息
❇️頭先提及10月開始通脹放緩，美聯儲亦都減慢加息，只係加咗0.50%利息至4.50%，市場都關心幾時會完結加息周期。而歷史數據話俾我哋聽美聯儲會係通脹率低於利率時停止加息，但係由於現時通脹率高於美聯儲基金利率3%，BNY預測美聯儲基金率23年中最高可以達到5%。雖然市場有預測喺第三季會減息，但係BNY認為美聯儲喺最後一次加息後，會維持利率不變
❇️由於美國長期勞動人口短缺，人工同就業增長比預期好，所以強勁嘅勞動市場會持續增加通脹壓力。BNY預計雖然通脹會繼續減速，但係如果要2024前達到美聯儲嘅2%目標就可能不大
.
4️⃣債券狀況
❇️債券喺2022嘅表現係40年來最差。彭博綜合債券指數下跌至11%。但由於固定資產價格下降，令到債券嘅收益率變得極具吸引力
❇️對投資者來講，2023要專注透過收益率來增加回報。10年國債收益率現在達到3.5%，比S&P 500的1.8%派息率更高。其實過去果幾年國債市場波幅好大，當短期收益率高過長期收益率嘅話，係一個指標代表住即將衰退。由於中央利率即將去到頂點同埋經濟數據開始微弱，BNY預計國債收益率曲線會繼續倒向，估計年尾嘅10年國債收益率會維持喺3.5-4%
.
5️⃣股市先苦後甜
❇️隨着通脹上升，股票市盈率(P/E) 不斷減弱，尤其係當利率高於6%。呢12個月遠期市盈率從歷史新高嘅21.5x下跌至15x。BNY預計股市唔會觸底，直至市場價格真正反映經濟衰退，同埋華爾街對2023每股收益(EPS)嘅共識估計會進一步下跌。但唔代表整個2023股市投資會預計蝕錢！因為BNY預計2023年尾經濟就開始復甦，而上面都有提到市場係會早一步反映出嚟！雖然唔會話戲劇性V形反彈，但至少預計2023股市會有正回報！
.
除咗BNY，不同金融機構嘅Market Outlook或多或少都有提及以上幾個重點！同學無論係報邊間行，都無理由唔留意以上分析！而如果你想喺2023繼續✅掌握大學生必知嘅 #Internship／#GradJob 求職資訊，✅及搵工面試最實用嘅貼士，咁就一定要俾個♥️，等 #HKCareers 繼續為你分析Job Market最新走勢！
Comments