大學生入投行及銀行前台必學！3分鐘學識做Equity Research Report！
【睇完即刻Ready去做投行及銀行前台面試？】無錯！無論係投行前台S&T、PB、AM同IBD，定係Corp Bank嘅面試，都有機會問你識唔識做Investment Research Report✍️！所以學識點樣分析股票或宏觀經濟環境，可以幫助你順利過到所有前台面試，將Offer袋袋平安😍！係呀，係所有前台嘅面試都有機會問！因此HKCareers今日就會話你知：
✅你點解要識做Investment Research Report？🤔
✅Investment Research Report有咩類型？
✅完整嘅ER Report應該包括咩內容/結構係點？
✅ER Reports同Stock Pitch有咩分別？
既然咁重要（又抵學🤪），你又點可以唔Save低今日篇文，好好學下點寫？
.
✅你點解要識做Investment Research Report？
1️⃣投行各部門嘅面試經常出現呢類問題：無論係S&T、PB、AM定Equity Research都好經常問！如果你想入投行，愈早學識點答呢類問題愈著數✌🏼
2️⃣IB-Level Case Com好多時會要求參加者做Investment Research Report，如果你想係呢類比賽攞到名次，亦要掌握相關知識
3️⃣展現你有能力勝任Analyst嘅工作💪🏼：除面試外，有投行請人時都有關叫做Job Simulation，即係考你識唔識做之後返工要做嘅工作，而投行Analyst自然要展現一下你有做Research同埋分析嘅能力，所以Job Sim好常有呢類測試，唔識做又點Pass到？
.
✅Investment Research Report有咩類型？
Investment Research Report 可以粗略分為兩種：
1️⃣Equity Research Report — 只會集中分析一隻股票；
2️⃣Macro Economy Research Report — 包括分析不同FX/Rates、Credits、Commodities及其他宏觀經濟環境等
▶️今篇文HKCareers會首先教同學點樣去書寫ER Report📚！如果反應良好，過到350個Like♥️，咁小編就再教埋你點寫後者啦🤩
.
✅完整嘅ER Report應該包括咩內容/結構係點？
1️⃣投資建議：根據你嘅分析，清楚講明你建議'long'/'short'/‘buy’/’sell’/’hold’隻股票
2️⃣對公司嘅簡介：背景簡介將會包括公司最新嘅近況，評級，目標價等。透過分析公司嘅收入、市場佔比、銷售額、盈利、現金流💰等因素去論證自己嘅睇法
3️⃣投資理據Investment Thesis：點解你建議嘅公司值得投資，特別係比佢嘅競爭者更值得❓
4️⃣股價催化劑Catalysts： 有咩因素或事件會令到市場留意到該股票未到價？因此將影響股價上漲和下跌，令你嘅客戶獲益？
5️⃣估值Valuation：進行絕對估值 (如DCF, DDM及EVA) 或相對估值，證明股票嘅價值點樣被低估
6️⃣風險Risks：分析2-3個會影響你分析同估值嘅市場及公司因素，同管理風險，減少損失嘅方法
⚠️同學要留意，一份ER Report會最著重分析第2️⃣同埋第5️⃣兩個部分⚠️
.
✅ER Reports同Stock Pitch有咩分別？
睇完上面，你可能就會覺得ER Report同大約一年前HKCareers分享過嘅Stock Pitch好類似💬，雖然兩者大致上都係叫做分析股票📊，但係佢哋其實都有好多嘅分別架：
1️⃣係Stock Pitch入面，因為唔同嘅因素/事件，令你覺得該股票未到價（股票嘅價值可能被低估了50-100%）所以你要著重去解釋點解你嘅睇法同埋整體主流意見出現唔同。雖然一份ER Report講嘅嘢都係要分析隻股票，但你嘅個人觀點就唔會咁強烈🙅🏼♂️
2️⃣ER Report通常會係頭幾頁講下間公司最近嘅更新/產品/公告。而Stock Pitch入面，呢個部分就會被擺入「短期建議」入面，因為近期嘅更新對長期建議無咁重要✅
3️⃣ER Report好少會分析與主流意見有太大出入嘅公司，因為分析師唔係投資緊自己嘅錢，主要希望透過份報告去宣傳自己間公司/銀行，所以佢哋嘅意見唔會同外界有咁大嘅分歧
4️⃣係大部分嘅ER Report你都會見到唔同嘅分析師著力設訂目標價💰，而唔係一個估值嘅範圍
5️⃣係Stock Pitch入面，你會更著重係股價嘅催化劑（影響股價上漲和下跌嘅因素）、估值同埋投資嘅風險。而ER Report就會花更多嘅筆墨係分析公司嘅背景同埋估值入面（因為一間投行唔會咁實牙實齒去講如果當X公司成功推出Y產品，股價就會升Z%）
.
同學睇完係咪都學識咗點寫ER Report呢？如果想睇埋Macro Economy Research Report書寫方法，咁就要記得點兩點畀個Like啦，過咗350個♥️小編就會動筆咖啦！
