外國同學暑假回港必讀：準備返香港開工/做實習要留意的6件事
【需要返香港做實習？係時候開始做準備啦！】如果同學有睇新聞，就會知道香港嘅疫情及防疫政策日日都有好多新消息💬！所以HKCareers必須要緊急出個Post，提吓同學如果係外國讀書又搵到實習（或者純粹暑假想返香港），其實已經要開始做準備，研究吓點樣訂機票同酒店，否則就好難趕得切返嚟開工！今日HKCareers💡就為外國同學準備咗個懶人包，等你知道有咩事情要盡早準備🤔，咁先可以準時同順利開工，唔會影響到你Take Offer嘅機會！想知有咩要做？快啲save呢個post再睇落去！
.
📍點解同學要而家開始做準備？
如果你覺得「我啱啱先去Exchange咋窩，洗乜咁早準備plan返黎？大把時間啦～」咁你就大錯特錯啦❌。尤其係好多同學6月頭/中就要返到黎做實習，再加上香港嘅隔離政策極之嚴謹，所以提早幾個月計劃好，係絕對有必要嘅！而且你一定要有plan B，否則嘅話，萬一touchwood政策有咩改變，隨時返唔到黎😱
.
📍如果公司係WFH，可唔可以留係外地返工？
最簡單直接嘅答案係：「有機會唔可以。」大部分嘅金融機構都有好嚴謹嘅Compliance要求，如果涉及到跨地區嘅工作，就會出現好多安全性/稅務嘅問題🔒，導致公司唔會俾你係外地WFH，所以你都係要返左香港先！
.
📍訂酒店🏨做隔離相關注意事項：
由於香港嘅疫情越黎越嚴重，好多原本用作俾海外返黎嘅人去隔離嘅酒店都被政府徵用，變成本地病患者嘅隔離設施。所以好多同學都因為今次嘅強制徵用，而被逼取消酒店嘅booking，返唔到黎。你問小編點算好？其實都無乜解決方法，因為你唔知政府幾時會徵用某一間酒店。👉🏼不過可以留意返嘅就係，目前政府主要徵用緊中價嘅酒店。所以同學如果Budget許可嘅話💰，可以book貴價啲嘅酒店，咁就無咁大機會被影響到。但如果你覺得自己嘅實習機會必不可失❗，一定要返到黎嘅話，甚至有啲人會卜兩間酒店（不過咁做會令大家都更難卜到房，所以唔太建議）。
.
📍訂機票✈️相關注意事項：
依家目前嘅政策係如果同一間航空公司入面有超過3/4個人中招，個班機就會熔斷🚫，ban14日之後先可以再飛。但同學都知外國依家好多人都好容易中招，導致航班非常容易就會熔斷。所以HKCareers整理左好多同學嘅經驗，得出左一個結論：其實每一間航空公司，都係每隔14日嘅首1班航班最穩陣可以黎到香港。所以極力建議你book機票嘅時候，計好日子📅，應該要揀航空公司被人ban左14日之後嘅第一班機。不過當然政策隨時有變，同學要留意住熔斷機制有無更新🧐
.
😚溫馨小提示：同學亦要記得，酒店同機票係要一齊去做，如果唔係Book左一邊，但另一邊又被取消左，或夾唔岩時間咁就會好煩啦！
.
📍做PCR Test相關注意事項：
訂曬酒店機票之後，你可能會覺得我只要有埋張陰性證明就可以返到黎，但其實PCR都唔係隨便做就得！因為香港政府剩係認可由ISO15189 certified/受到當地政府認可嘅lab去提供嘅證明。同埋就咁有張陰性證明（就算寫到明係ISO15189 certified）都係唔夠！你一定要有另外一份文件，獨立地由第三方(如政府)證明呢間lab真係certified。最後一件事就係記得啲文件一定要係英文！
因為香港嘅入境限制政策非常嚴謹，所以同學記得要睇清楚政府對於文件嘅要求到底係咩🔍
.
📍到其他國家「過冷河」相關注意事項：
由於依家香港ban左好多地區，所以好多同學會有「過冷河」嘅諗法，✈️將登機前48小時留係一個非禁止地區。但同學千奇唔好搞錯左，係返黎香港前個一程嘅前48小時！而因為依家已經好少直航機，你就一定要計得非常之精準啦！例如你要由A去B先再返黎香港，佢睇嘅係B登機前嘅48小時，而唔係A登機前！同學可能都要加錢做特快嘅PCR Test，避免自己有機會返唔到黎
.
🔥一啲比較熱門嘅過冷河地點就係泰國🇹🇭/新加坡🇸🇬/歐洲。而HKCareers就建議你去歐洲啦，因為返唔到黎嘅風險會細啲。始終歐洲有好多唔同嘅航空公司，就算一班俾人ban左都可以有替補；同埋就算政府再ban左其中一個歐洲國家，你去另一個歐洲國家過冷河都好方便
.
不過由於防疫政策真係不時有變，除左留意以上相關事項外，同學真係要上心啲❤️，留意住政策會唔會有變動，咁你就要跟住變陣啦！如果可以，就最好有兩手準備，咁如果有咩突發情況，你都可以有Plan B！由於今日個Post對所有係外國讀書嘅同學來說都好重要👍，如果你諗起有咩事情好需要留意，就記得係下面留言，同其他同學一齊討論吓！
.
HKCareers長氣都要再提同學，盡早睇定所有規定同【而家好開始做準備】！希望各位同學都可以順利返香港做Intern或Grad Job！如果你覺得今日個Post好岩用，就記得要Share俾你其他都係外國讀書嘅朋友，提佢有咩要留意！
.
#achievewithus #Internship #managementtrainee #gradjob #hku #cuhk #hkust #cityu #hkbu #polyu #hkhsu #dse2021 #dse2022 #dse2023 #hongkong
