做Corp Bank比CMB、Retail同Digital Bank吸引的四大原因

係銀行咁多個部門入面，Corp Bank似乎一直都係最受歡迎，HKCareers💡今次就想為你分析下做Corp Bank嘅4個好處！如果你想知做Corp Bank係✅Exposure、✅Career Prospect同✅人工水平三方面有咩優勢，like完再睇落去啦😏！

.

⭕️銀行報工小知識：

唔計投行，銀行嘅部門主要分為：

▶️Retail Bank

▶️Digital Bank

▶️Commercial Bank

▶️Corp Bank

▶️Global Bank (有部份行會將GB同Corp Bank放埋一齊，不另設GB) ▶️Transactional Bank

▶️Middle & Back Office: Ops/Tech/Risk Man etc.

▶️部分行仲會設有Insurance或FinTech等部門

當中FO就以頭4️⃣個擁有最多位，且係大部分銀行實習或MT都有進行招聘嘅!

.

⭕️Corp Bank點解最受歡迎：

CMB同Corp Bank嘅工作內容同服務好似，最大嘅分別在於服務嘅客戶Size有唔同：CMB主要服務start-up/SME至Mid-cap；Corp Bank會服務Mid-cap至Bluechip客；如果間銀行有再分Global Bank出尼，就會負責Bluechip同跨國企業MNCs、政府或其他大型金融機構咁！但如果工作內容都似，點解Corp Bank就好似會比CMB Charm啲呢？（不過唔同行嘅分法可能有唔同，例如有啲行會有Commercial & Corp Bank，又有啲行嘅Corp Bank會做CMB嘅客，安全起見請同學面試前查清楚）

.

✅Corp Banker接觸嘅客戶較大，有助累積更多行業知識

Corp Bank 嘅RM每做一單Deals時，同客戶做完初步溝通後，就要開始撰寫Credit Proposal，建議為客戶提供咩類型嘅loan或做發債，之後交俾Risk Mgnt Team去做審批。Corp Banker要好詳細研究同analyse客戶間公司、行業、市場走勢、Financial Models等各環節，慢慢地Corp Banker就會累積左不同商業同行業知識，雖然CMB都有類似嘅工作內容，但由於Corp Bank服務嘅公司客大好多，好似地產發展商咁，佢地嘅業務牽涉可以好廣，由地產、零售到交通都可以有份，咁Corp Banker做Credit Proposal時就要跟住研究曬咁多部分，學野一定唔少；而CMB因為客戶Size細，就算同樣做地產，RM接觸到嘅業務都會窄啲。呢點並唔似人工或花紅咁可以計到，但對長遠嘅發展好有用！

.

✅Corp Bank Product Coverage最大

雖然提供嘅服務同產品好類似，但係Corp Bank 服務嘅客會比CMB大好多，提供嘅產品coverage自然都會多啲。如貸款可分為Bilateral Loan（雙邊貸款）、syndicated loan（銀團貸款）同club loans（俱樂部貸款）等，係Corp Bank可以接觸到嘅貸款類型，隨住Client Firm Size愈大亦會愈多，同學可以想像下，CMB服務嘅係細公司，借嘅Loan咁細，邊有機會接觸到好似syndicated loan或structured finance咁大型嘅項目？

.

✅Exposure大，Corp Banker嘅發展自然更好

近年好多Corp Bank做多左DCM deals，即係幫公司客做發債，而唔係直接貸款。咁係因為計過數後，1️⃣客戶透過發債可以籌到嘅資金可能會比借銀行貸款更多，2️⃣銀行提供發債服務時，賺嘅服務費仲多過或同借錢出去嘅利息差唔多，3️⃣銀行做發債唔需要好似貸款咁承擔更大風險。所以發債自然成為雙贏選擇！而對於Corp Banker來說，可以接觸到DCM Deals都係一個好大加分位，對於之後有意繼續係IBD Capital Markets發展嘅同學來說，有DCM Deals經驗當然更好！

.

✅Corp Bank起薪點同花紅係銀行級別最高

相較於零售、電子同商業銀行，Corp Bank嘅起薪點可以高出2-3成，而隨住Corp Banker處理嘅Deal數量同大小，每年拎到嘅Bonus可以去到3-12個月，咁吸引嘅人工水平，自然將Corp Bank推上左最受歡迎部門嘅寶座！

.

同學聽到「Corp Banker」個名可能已經心心眼😍，不過報工時更需要考慮✅Exposure同✅Career Prospect，記住做Career Planning係一件好長遠嘅事，每一個Offer最好係能令你嘅人生行得更遠！想知道點樣嘅 #Internship 或 #Managementtrainee 最能幫你行得更遠？當然要俾個♥️ #HKCareers 💡，等我地為你分享更多令你畢生受用嘅行業知識！

#achievewithus #gradjob #hkunistudents #hku #cuhk #hkust #cityu #cityuhk #hkbu #polyu #hkpolyu #hkhsu #dse2021 #dse2022 #dse2023 #hongkong⁠