作為大學生，點解你仲要識埋M&A Deals流程同步驟？

即使同學睇左HKCareers之前嘅預測，知道咗投行IBD M&A Team嘅發展同Headcount不錯，現實嘅殘酷係，知道並唔代表你就可以係芸芸眾大學生入面，成功躋身入IBD嘅精英！想成為IBanker，先決條件就係要Build Up自己嘅Tech Knowledge！而要入M&A Team又點可以唔背熟M&A流程？唔使緊張，有HKCareers係到，絕對會幫你裝備好！睇完呢篇文，你就會學識✅做M&A嘅10個具體步驟，✅係Execute M&A Deals前要考慮嘅事情，✅投行面試必問M&A基礎問題！想睇完一篇文即刻Ready去IBD M&A Teams面試？呢篇就係你必須♥️同Save低嘅文！

.

✅M&A嘅10個具體步驟：

係M&A Flow入面，Buy-side 同Sell-Side嘅步驟會有不同！但如果同學係想入投行IBD，主要負責嘅當然係Buy-side，所以今次我地集中去睇下Buy-side嘅流程先：

1️⃣建立收購策略：即係要有一個清晰嘅Idea，知道委托你做M&A嘅客戶對是次併購嘅期望係咩；客戶嘅Business Purpose係咩？點解需要收購間Target Firm？如佢地係想擴闊自己嘅product lines？定係想打入新市場？

2️⃣決定併購篩選嘅原則：係知道客戶嘅併購動機後，你就可以決定併購篩選原則，幫助你為客戶有系統同有效地篩選出岩心水嘅目標。呢啲原則可以包括但不限於 profit margin、地理位置或客戶群等

3️⃣正式開始搜索值得收購嘅公司：有左篩選原則後，就可以落手係市場上面搜索合適收購對象，順手快速地做啲基本嘅評估，收窄範圍

4️⃣開始計劃收購過程：係呢個階段你通常會開始聯絡一或多間符合你篩選要求嘅公司。係初步嘅溝通入面，你要盡量嘗試收集更多資料，同埋收購對象有幾大可能或興趣去接受併購

5️⃣進行估值分析：假設初步溝通過程順遂，你就可以幫客戶，要求收購對象提供更重要嘅資料（通常係財務狀況），用尼進行下一步嘅估值同分析。記得要從兩個角度去進行估值：一係將目標當作獨立Business，其次就係將間公司當作一個收購目標尼進行估值分析

6️⃣磋商開始啦：當你建立左不同valuation models去評估Target Firm後，應該已具備足夠資訊去做一個合理Offer。而係提出左Initial Offer後，雙方就要開始（可能好漫長嘅）negotiation，去決定細節

7️⃣M&A due diligence：係收購對象接受左Offer後，就可以開始（可能更加漫長嘅）due diligence，目標就係透過仔細調查同分析收購對象方方面面嘅狀況，好似financial metrics, assets & liabilities, customers, human resources等，確保你之前對目標公司嘅價值評估並無問題，或者睇下有無需要修訂評估

8️⃣買賣合約：又假設due diligence順利完成，無發現任何大問題，下一步就可以做final買賣合約，雙方落最終決定，究竟呢次Deals係資產收購（an asset purchase）定股票購買（share purchase）

9️⃣確定最後嘅融資策略（Financing strategy）：雖然你係之前嘅階段已經有初步嘅融資option，但係最後嘅融資策略可能會根據買賣合約嘅內容而調整，所以要去到呢步再確定

🔟完成及整合M&A Deals：當個Deal close啦，咁樣你客戶同被收購公司嘅Mgnt就可以開始一齊做合併！

.

✅Execute M&A Deals前要考慮：

雖然話M&A Flow主要係以上10個步驟，但當中每個環節都有唔少事情要留意，當中最直接決定你客戶嘅利益莫過於係正式執行個Deals前嘅考量:

1️⃣Financing the Deal：除左好似上面提到嘅，你同客戶要決定做stock or asset deal外，唔好忘記考慮埋Tax、資本性支出（CAPEX）、comparative ratios同重新請人時牽涉嘅支出

2️⃣Rival Bidders: 有無其他公司想同你嘅客戶競爭？佢地嘅Offer同你比邊個吸引啲？

3️⃣Target Closing Date: M&A個10個步驟可以拉到好長，所以你都要有個Timeline去跟住，而作為iBanker，你亦有責任提醒各個Parties留意進度

4️⃣Market Conditions: 外在因素，無論係宏觀經濟狀況，定係相關行業發展都會直接影響單Deal成功與否，所以事前同期間對市場嘅預測好重要，亦係點解IBD經常會指定最熟某個行業嘅Analyst去跟某類嘅Deals

5️⃣Laws: 了解相關法律當然重要，所以IBD經常向Law Firm咨詢法律意見（即係你有更多協調要做）

.