三分鐘睇完疫情下各大行業2022年最新面試形式、Headcount及招聘趨勢！！

【疫情兩年，Internship / Grad Job Market有咩大變化？】眨吓眼原來COVID爆發都已經兩年啦，兩年時間話短唔短，如果同學係兩年前先剛剛入大學，甚至可能未感受過疫情未爆時嘅大學生活係點🙈但無論點，生活都係要過落去，CV都係要繼續砌靚佢。今日HKCareers💡就想為同學整理下疫情爆發兩年Internship / Grad Job Market有咩重大變化，1️⃣各行業Headcounts及最新發展方向、2️⃣最新面試形式、3️⃣必備面試題目，等你可以制定同實行最適合你嘅報工策略，盡力搵份好實習或Grad Job！快啲畀個♥️就睇落去啦！

.

1️⃣各行業Headcounts變化及行業長遠發展：

據HKCareers觀察，實習同Grad Job市場整體嘅HC係無增加嘅傾向（有啲行業甚至係減少咗）。但點解好似有唔少同學都拎到好Offer？我地相信同有唔少人📍打算移民唔報工，令競爭者減少，📍及上層已移民嘅人放左唔少HC出尼，令大家整體都多咗上游機會，甚至惠及實習生及Fresh Grad有關。所以話，對於打算繼續堅持留係香港嘅你來說，當下正係有危又有機嘅時刻。而各個行業或部門嘅HC變化同長遠發展分析則如下：

.

⭕️投行及銀行界

銀行同埋投行嘅HC（Never式Tocuhwood🙏🏼）無太受疫情嘅影響，反而有唔少部門，例如Private Banking 同Asset Mgnt，因為行業發展迅速，而需要增聘人手👏🏼！如果你係今個Recruitment Season開始時，有聽到HKCareers嘅建議，報投行時以PB私人銀行為首選，咁相信你都已經感受到個好處係邊啦😜

.

而投行嘅其他前台部門，如IBD及S&T，今年HC下降嘅幅度亦唔算太多，叫做保得住啦！不得不再提一次，相信係因為香港呢兩年嘅移民潮，令人才流失不少，金融機構都需要補返啲新血，HC可能最多只係跌左兩成左右📉。加上，疫情令內地生減少來港讀書或做嘢，以前香港同學好難入到嘅IBD都鬆動返好多！如果你嘅目標係IBD，未來兩年亦係投報嘅好時機！我地預計（亦希望）可以多翻2-3成香港同學可以殺入IBD💪🏼

.

⭕️Consulting & Big 4

而諮詢行業就要視乎你報邊個部門啦！好似HKCareers日提夜提嘅IT Consulting💻，真係絕對受惠於疫情🙈咁多生意同公司都需要Go Online🌐，呢方面嘅人才需求大增！HC確實不減反增！但相反，其他比較熱門嘅傳統諮詢部門，如Deals Advisory，HC似乎就未見起色啦🙈

.

⭕️Property, Conglomerates & FMCG

至於地產商同埋Conglomerates嘅HC的確係少左，係招聘上都覺得佢地明顯手緊咗⋯⋯相信同學都可以觀察到，係疫情下，商場、樓市同航空業等都受到頗大衝擊，我地估算HC都大約減左20%🙈

.

而FMCG，如Loreal及P&G嘅HC就幸保不失，唔見有好大嘅影響👍

.

2️⃣疫情下面試形式大改

⭕️線上面試已經成為大趨勢，同學宜盡早適應

自2020年開始，大部分公司嘅面試都轉為線上。雖然前排疫情無咁嚴重時，好多公司如PwC、恒隆、McKinsey及SCB等，都嘗試用返on-site形式做AC或Panel Interview等

.

⭕️傾向完全使用Online Assessments嘅公司

有部份公司如HSBC、P&G、JPM同GS，已經將佢哋大部分嘅面試流程轉到網上，既然佢地已經用順左，以後變返線下模式去做嘅機會都較細

.

💡當下嘅趨勢的確係，不論疫情幾時完，頭幾輪面試或測試全部以線上形式進行，包括apt test或HIREVUE等嘅自動化Video In，或用Skype或Zoom等黎做面試。無論疫情幾時完都好，都可以預計線上面試會成為王道，佔整體面試環節一半或以上！所以同學一定要熟習線上面試形式，個啲網絡運作狀況、有無提早登入公司面試嘅平台，或避免任何技術性問題嘅功夫，就一定要做足啦！

.

3️⃣面試必備問題：「你覺得我地公司係疫情持續下，有咩挑戰同發展機遇？」

畢竟疫情依家係好重大嘅國際議題，不單影響緊我地日常生活，所有公司日常嘅運作模式都被逼改變再改變。所以面試除左自我簡介外，基本上你都必須準備定呢條題目，做好資料搜集，✅知道COVID對公司/行業嘅影響，✅公司可以點樣減少COVID帶來嘅負面影響、✅甚至搵到不同發展機會、✅行業可以點樣運用科技、✅公司可以點樣數碼化佢哋嘅服務或產品等

.

疫情兩年，唔知幾時先可以完結🙈但無論點HKCareers💡都會緊守崗位，順逆市都會陪住你，為你提供所需嘅一切支援，等你可以無後顧之憂咁搵份好工！學IT狗講嘅，機會係留畀有信念嘅人！愈難我地愈要搵份好工，令自己成為不怕風浪、經得起事嘅人🙂！你都快啲Follow #HKCareers ，✅掌握大學生必知嘅Intern／Grad Job求職資訊，✅學習令你畢生受用嘅搵工貼士啦💡

.

#achievewithus #Internship #mt #gradjob #hku #cuhk #hkust #cityu #hkbu #polyu #hkhsu #dse2021 #dse2022 #dse2023 #hongkong