一篇文睇明最熱門嘅FinTech、Virtual / Digital Banking及IT Consulting！

近年同IT相關嘅職位勁熱門，✅FinTech、✅Virtual Banking、✅Digital Banking及✅IT Consulting好似份份都同Tech相關，唔少non-Tech出身嘅同學都好疑惑，究竟自己可唔可以報呢啲工🤔？其實呢幾個行業嘅工作內容、需要嘅IT Skills及其他能力都有好大分別！HKCareers💡今次就為你分析下呢4個IT相關工作！等你知點計劃你嘅報工大計，成功殺入呢啲最熱門嘅行業！（記得♥️左再睇落去）

.

✅FinTech

▶️點解你要留意FinTech工？

1️⃣FinTech嘅概念仲係好新，換言之係市場上有相關經驗嘅人仍然偏少，呢幾年入行嘅同學都有好多發展機會，升上去都易啲！

2️⃣FinTech包括嘅範圍好廣，涵蓋Digital Lending & Credit、Mobile Banking/Payments、Crypto & Blockchain、Insurance、Institutional Finance & Trading等嘅部分，可以話係已經深入到金融業嘅每個領域，你嘅選擇同機會都會特別多！

.

▶️點先可以入到FinTech？

除左係➡️學校讀相關科目、➡️學習Programming、➡️參加相關Case Com或➡️報讀FinTech相關嘅課程外，有志入FinTech嘅同學亦可以留意➡️FinTech Placement，例如金管局同恒生都有開設，可以幫助你累積實際工作經驗！

.

✅Virtual Bank-係一種新式嘅銀行，同一般有分行嘅傳統銀行唔同，虛擬銀行會透過互聯網或其他電子傳送渠道提供所有銀行服務，唔會有實體分行！

▶️點解你要留意虛擬銀行工？

1️⃣唔少虛擬銀行正鋪天蓋地咁宣傳緊，同學甚至可能已經開左戶。而增加曝光率只不過係虛擬銀行發展嘅第一步，點樣善用虛擬銀行high-tech加low-cost嘅優勢，如善用data同AI去了解客戶嘅傾向與需要，將會決定邊間虛擬銀行可以跑出，可以預期未來2-3年，虛擬銀行將會有爆發性發展，因而需要進行人手招聘同擴充！

2️⃣受到疫情嘅影響，市場對於實體銀行分行嘅需要都降低，有利虛擬銀行嘅發展

.

▶️點先可以入到虛擬銀行？

➡️同FinTech一樣，學習Programming都好重要，不過想入虛擬銀行亦好需要Study下不同虛擬銀行嘅宣傳策略，知道佢地以咩方法去吸引人開戶，例如同邊啲零售商合作？Reward Scheme係點？點用Data去製訂更個人化嘅宣傳策略去吸引新客？

➡️而係Tech Knowledge方面，了解虛擬銀行點樣透過Open APIs去提供暢順嘅銀行服務、運用Data analytics去加快lending決定，及使用AI去監察異常活動，進行風險管理等都好重要

.

✅Digital Bank-由傳統銀行開設，負責處理所有線上銀行服務嘅部門！

▶️點解你要留意數碼銀行工？

1️⃣數碼銀行同虛擬銀行一樣，受惠於疫情，反而多左發展機會。大部分銀行都要大推同持續改善數碼銀行服務，咁先可以應對來自虛擬銀行嘅挑戰

2️⃣由於數碼銀行係大銀行開設，正如其他部門會有較完善嘅實習同MT Program，係Prospect及訓練等方面都比較清晰明確

.

▶️點先可以入到數碼銀行？

➡️入數碼銀行同報其他大行部門一樣都可以報實習同MT。介紹多個恒生嘅Digital Associate，會請剛畢業嘅同學，係除左MT外一個唔錯嘅選擇

➡️做數碼銀行要識嘅IT Skills或者無FinTech咁深，同學更需具備嘅係對銀行產品及服務、市場走向嘅了解。不過對於基本Tech trend，如點樣將crypto功能融入數碼銀行等等嘅了解都好重要，唔係你又點同Tech Team溝通，去建立同改善數碼銀行服務？

.

✅IT Consulting

▶️點解你要留意IT咨詢工？

1️⃣其實IT Consulting並不只係講緊Accenture/IBM呢啲咨詢公司，仲包括IT Project Mgnt及Business Analytics等職位，而後兩者係好多大投行及銀行都有開設！所以做IT咨詢相關工作嘅出路同發展可能比你想像中闊好多

2️⃣係呢個數碼轉型嘅年代，點樣運用科技去改善服務或做Sales，係所有企業要持續面對嘅課題，無論係In-house定Service Provider嘅IT咨詢相關職位，都唔需要擔心無HC

.

▶️點先可以入到IT Consulting？

➡️好多同學聽到IT Consulting就驚，但其實IT Consulting入面仲可以分為✅IT Business Analytics、✅Project Manager、✅IT Consultant等嘅職務，工作內容及要求IT Skills都好唔同！但今篇文又爆字啦，想知更多嘅同學不如報名參加我地下個Webinar啦！

.

💡Webinar：Paving Your Way to FinTech, Virtual Banking, Digital Banking & IT Consulting💡 立即報名: https://bit.ly/2T9GjLS

睇下Tech或Non-Tech出身嘅你，要點選擇去報呢四個大熱行業！