Final Year同學應該報MT Program的3大原因(邊啲行業嘅MT Program發展最好？）

你有無諗過點解咁多人想做MT？✅究竟做Management Trainee同普通公司Direct Position有咩分別？✅邊啲行業或公司嘅MT Program最好？✅Final或Penultimate Year同學想報同入MT Program又有咩要留意？就等HKCareers一次過為你解答曬呢啲問題！所有Final或Penultimate Yr同學都記得Save低呢個Post啦😉！

.

⭕️你應該報MT Program的3大原因

同學係決定一年或兩年畢業之後要做咩，除左睇興趣外，人工、Career Path及Exit Opportunites都同樣重要，而MT Program咁受大學生歡迎嘅原因，亦係因為係呢三方面皆比Direct Positions優勝

.

1️⃣人工及起薪高💰：

@JobsDB 之前就分享左佢地2020年嘅絕密大學生就職報告俾HKCareers，我地發現原來係受訪嘅近1200位大學生當中，有約30%同學唔滿意😕第一份工作嘅人工同福利！點解咁多同學唔滿意？睇埋平均每月薪金就會知，原來大學畢業生嘅平均每月薪金由2018年開始有跌幅：

.

由2018年嘅平均每月薪金▶️HKD16,892，2019年微跌去到▶️HKD16,692，2020年已經去到▶️HKD16,077😱

.

簡單而言，上年Graduates平均每月薪金只係僅僅過16K🥺真係好難令人滿意嘅⋯⋯亦因此好多醒目嘅同學一早就放眼大銀行同公司嘅MT Program！畢竟好多MT嘅起薪點都係由25K起跳，視乎不同銀行及公司，甚至可以去到30K＋嘅水平，比平均每月薪金高近一倍！再話多樣野你知，其實MT Program最值錢嘅並不是每月個份糧，而係個Bonus💰，以企業銀行Corp Bank MT為例，Bonus可以達3-12個月咁多！所以今明兩年嘅FY同學，如果想跑贏平均每月薪金，真係無理由唔報MT Programs咖❗️

.

2️⃣Career Path清晰：

好多同學想入MT嘅原因，亦係因為做MT嘅Career Path比較清晰。大部分MT Program為期都係2-3年，無論係Bank或其他大公司嘅MT，係Program期間都係為左培訓你成為公司嘅中層管理層，所以會俾好多機會你去接觸公司不同嘅業務或Team，唔只Exposure會比一般Direct Positions好，係完成左Program後，升職條路都會比較清晰，例如大部分銀行前台嘅MT都可以成為Relationship Manager，可以開始Build Up自己嘅Client Base，比起Direct Positions只能一級級地升上去，由Assistant到Officer慢慢做上去，條Career Path會明確同升得快好多！

.

同學不妨係報MT前上去公司或銀行嘅相關網頁睇下，有唔少仲會清楚列明佢地個MT Program嘅Career Path係點！咁就更一目了然啦😉！

.

3️⃣Exit Opportunities多

出左社會返工之後，好可惜我地唔係只返2-3年工就退休😢而MT Program嘅好處，就係Exit Opportunities都會好唔錯。首先，大部分搞得MT Program嘅銀行或公司Firm Size同Brand Name都有返咁上下，對於你長遠Build CV同及發展好有幫助，如果你之後想轉工，去唔同公司返工，人地見你係MT出身，就知你咩料啦🤪而除左Brand Name外，你係做MT時接受嘅訓練同累積嘅人脈都會廣好多，令到你嘅Exit Path更好

.

以CMB & Corp Bank MT為例，係做完RM，累積左一定經驗後，仲可以轉去做Product Team (e.g. trade finance, structured finance, syndicated loan team, DCM)、Private Bank、PE/VC/Angel Fund等，選擇一啲都唔會少！

.

⭕️邊啲行業嘅MT發展最好？

基本上MT主要可以分為銀行MT或非銀行MT。篇幅關係，我地今次先講左銀行MT先😛以行業發展及穩定性而言，Retail/Digital/CMB/Corp bank係銀行體系嘅中堅份子，唔少大中小型銀行都有就呢啲部門開設MT

.

一來CMB/Corp Bank/GB提供嘅係傳統銀行產品，好似Deposit、Loan同Trade Finance呢啲都係公司客嘅必需品💁🏻；

.

二來佢地客路比較廣，CMB/Corp Bank/GB唔同部門負責不同大中小型公司，Retail/Digital Bank則負責我地呢啲廣大零售客戶，同樣提供左穩定因素俾呢啲MT Program! 所以同學考慮報Bank MT時，都唔可以忽略呢啲部門！

.

講左咁多原因同學點解要報MT Program，同學下一個問題好可能就係：「下？MT喎～我入唔入到咖？」唔使黑人問號住，HKCareers將會舉行另一個Bank MT/ Internship Webinar，教Final或Penultimate嘅你點先可以入到銀行MT，即刻去報名！