5大銀行CEO嘅成功猛料故事！有咩值得大學生參考學習？

【五大銀行CEO嘅故事，你聽過未？】係香港芸芸咁多間銀行入面，有5️⃣間銀行嘅MT同實習計劃歷來都係最受大學生歡迎嘅😍講緊嘅就係✅匯豐、✅恒生、✅花旗、✅渣打、✅星展銀行！今次HKCareers唔係想同你講佢地嘅面試進度或報工貼士（如果想我地講都得嘅，你俾個Like話我地知啦！），而係想為你介紹呢五間銀行CEO嘅猛料故事！想殺入銀行🏦嘅你又點可以唔知道未來大老闆嘅背景同經驗有咩值得你學習？唔好講咁多啦，快啲Like完就睇落去啦♥️！

.

1️⃣匯豐銀行

HSBC真係可以話係所有同學都必報嘅銀行，但你對匯豐CEO林慧虹女士嘅認識又有幾多呢？

▶️佢係1999年加入左匯豐（親生女!🤩），擁有超過25年嘅銀行經驗，亦曾經被調派去中國內地🇨🇳、印尼🇮🇩、馬來西亞🇲🇾、新加坡🇸🇬及越南🇻🇳，管理經驗相當之豐富

▶️佢最初都係由back-office嘅職位（Operations）開始做起，係2017年先黎到香港，擔任滙豐香港區嘅營運總監，優化公司嘅營運同埋推進業務發展，令香港嘅業務持續增長（所以同學要知道，只要有能力，由咩post都可以升到去管理層嘅職位架🥳～）

▶️佢對銀行業同埋匯豐嘅環球策略有非常深入嘅認識👍🏼，展現到非凡嘅領導才能，相當適合擔任香港區行政總裁一職

.

2️⃣恒生銀行

講得匯豐，又點可以唔講埋作為匯豐集團成員嘅恒生HASE呢？依家嘅CEO係施穎茵女士✨

▶️佢曾經係Citigroup同埋Amercian Express服務過，後來係1999年加入匯豐

▶️佢係銀行接觸過唔同部門/崗位，例如市場推廣、信用卡、消費貸款和按揭等部門，之後2011年升任HSBC HK Retail Banking & Wealth Mgnt嘅業務主管，2015年晉升為HSBC HK嘅CEO👏🏼

▶️原來佢仲有一個稱號叫做「按揭一姐」😮點解？原來佢2006年出任亞太區存款及按揭主管嘅時候，曾經推出全港最低的P按息率吸引客戶🏠，因此被大家賦予咗呢個稱號！

▶️不過如果要數佢嘅威猛事蹟，就一定係佢被借調去台灣🇹🇼做信用卡部門主管嘅時候啦💳，期間佢成功將該項業務轉虧為盈，化腐朽為神奇！

▶️係2021年9月佢就被調任到恒生擔任行政總裁，同時繼續兼任匯控集團嘅總經理👍🏼

.

3️⃣花旗銀行

而Citigroup作為Bulge Bracket嘅其中一間，同學都可以花少少時間去了解下新官上任💥嘅花旗CEO辛葆璉女士❗️

▶️佢本身已經有25年嘅銀行工作經驗！曾經係UBS做過14年，出任唔同嘅管理職位，例如Head of Compliance & Operational Risk Control🧐、MD等

▶️佢係2019年4月加入花旗集團，出任APAC Chief Compliance Officer，而就係上星期無耐，被委任為Hong Kong & Macau CEO，負責集團香港🇭🇰同埋澳門🇲🇴嘅業務！真係新鮮滾熱辣！

.

4️⃣渣打銀行

而係香港同以上三間行齊名，同樣有開實習同埋MT programme嘅，又點可以唔睇埋SCB渣打呢？

▶️渣打香港嘅CEO係禤惠儀女士，加入渣打超過 25 年🤩！

▶️擁有多個部門嘅工作經驗：曾經係個人金融業務💰、財富管理、客戶經驗同埋公司管治等部門服務

▶️2009年出任香港區個人金融業務主管，而係2015年就開始統領成個Greater China & North Asia嘅個人金融業務，後來係2017年被委任為渣打香港嘅行政總裁👏🏼至今都近5年時間啦！

.

5️⃣星展銀行

而近年來好多新加坡銀行都快速崛起，受到同學仔嘅青睞😍而當中DBS星展就一定吸引到好多同學！

▶️龐華毅先生係銀行業打滾左超過30年！並且係2010年被任命為DBS HK嘅CEO

▶️由2005年至2010年初，佢一直擔任印尼P.T. Bank Danamon嘅董事長，而加入Danamon之前，佢亦係花旗任職達超過20年，係2002至2005年擔任花旗集團南非嘅CEO行政總裁兼非洲撒哈拉地區嘅主管，專責11個市場，足跡遍及南美、中東, 非洲及歐洲地區🤩經驗真係非常豐富同具國際性！相信呢點亦係好多同學希望效法嘅！

.

同學睇完以上5位銀行家嘅成功故事，相信都可以發現佢地有幾個共通點：▶️係銀行業界有數十年實戰經驗！▶️唔只有香港本地嘅管理經驗，事實上係非常具有環球視野。而唔同之處，則喺佢地來由不同銀行部門，既有係營運部出身，又有係市場推廣、信用卡、財富管理同Compliance等等不同部門嘅工作經驗，所以同學真係唔好以為只有入到某幾個銀行部門先有出頭機會，去到最後睇嘅，都係你個人幾有能力同努力！

.

最後，如果你想 #HKCareers 分享更多公司同銀行背後有趣嘅故仔💡，咁就記得Follow✅同俾個Like✅我地！等我地為你寫更多有趣同實用嘅求職資訊☺️！

#achievewithus #Internship #Managementtrainee #gradjob #hkunistudents #hku #cuhk #hkust #cityu #hkbu #polyu #hkhsu #dse2022 #dse2023 #dse2024 #hongkong