2022投行面試問題😳：「隔離房位同學來自Oxbridge，Straight A。點解我應該請你？」

【喺啦？點解投行應該揀我？】今個星期愈來愈多投行出緊Final In或Superday啦（其實我地仲有同學開始收到2023嘅Offer啦🤫）！除咗例牌嘅CV-based、Bebavioural同Tech Qs外，投行問嘅問題，出咗名喺出奇不意！其中一間大投行，今年正正就問咗呢條問題：「隔離房位同學來自Cambridge / Oxford，成績仲要喺Straight A。點解我應該請你？」如果你無心理準備，當下心一怯，或者真喺會被Interviewer大到🙈口啞啞唔知點答好！今日HKCareers就想為你拆解呢條問題應該點答！更重要嘅喺：【你可以點說服公司，你會比其他Candidate更加適合！】好奇就快啲點兩點俾個♥️，再睇落去啦🔥！

.

💡「隔離房位同學來自Oxbridge，Straight A。點解我應該請你？」

喺回答呢條問題前，同學首先需要諗吓：點解投行會問呢條問題？實際上，呢條問題甚至唔喺真心想問你喺咪會贏到Oxbridge嘅Candidate。同學可以想像，投行可以隨時將呢條問題改做其他Scenario，例如：「隔離房坐咗Elon Musk，點解我要請你？」/ 「隔離房坐咗愛因斯坦，點解我要請你？」而你又真喺可想而知，好難贏到佢地🤔 但喺咪代表你一定無機會入到投行？當然唔係！

.

呢條問題，講到底，其實喺考緊你，對自己有無足夠嘅自信，知唔知自己嘅優勢喺邊，會唔會喺任何困難嘅處境下，依然能夠專業同自然地去應對！因為當你加入投行（特別係前台部門後），你將需要同好多比你叻嘅同事，甚至喺極度有社會地位同財富嘅客戶去接觸同溝通！如果你咁容易被嚇退同嚇窒，或者呢份工就真喺唔喺咁適合你啦！

.

💡「公司應該揀我，而唔喺其他Candidate，因為……」

好！咁喺了解投行問呢條問題嘅用意後，我地就要研究吓，點樣回答呢條問題：

.

1️⃣展現你嘅自信

喺開始作答之前，同學可以記得要保持冷靜、自然同自信，咁呢條問題就無你以為咁難答啦！

.

實際上，唔止喺回答呢條奇怪嘅問題，喺回答投行面試其他問題時亦一樣，喺態度方面，同學可以諗吓點用語氣同身體語言去表現你對一個有信心嘅人：

✅眼神堅定：面試最緊要係眼神交流，話俾面試官聽你係同緊佢講嘢，確保你既眼神唔好閃閃縮縮，要說服對方你對自己既答案好有信心！😄

.

✅坐姿要夠直：唔好睇小你嘅坐姿呀！呢個會直接影響面試官對你嘅第一印象，坐直啲俾人感覺都大體啲，有自信啲啦🤪

.

✅避免小動作：同學好難避免一緊張就會捽下手指、整吓張凳，總係有好多小動作，呢啲就係來自唔自信嘅表現，所以喺作答時就一定要戒甩佢啦！

.

✅語速控制及咬字：好多人一驚就會講嘢好快，所以面試嘅時候就要時刻提住自己冷靜啲，講嘢最緊要有條理同邏輯，咬字一定要清晰，呢啲都好重要架！

小提示💡：想進步神速既話，同學平時可以用電話錄低練習時既表現，咁你就會好清楚有咩地方做得好同埋可以點樣改進啦🔥呢啲都係熟能生巧架咋！

.

2️⃣展現豐富工作經驗

好！講完態度後，再講吓要點樣答呢條問題：

同學首先可以同面試官帶出，除咗學業之外，豐富或相關工作經驗同樣重要❗️然後詳細解釋你嘅經驗點樣令你成為最適合嘅人選！其實喺準備面試時，同學已經要諗定點樣用你嘅工作經驗作例子，證明自己符合公司嘅技能要求，說服面試官你係最好嗰個！例如：你報嘅部門需要良好嘅溝通技巧，你過去嘅實習經驗有咩故事可以展現到你嘅溝通技巧等

.

3️⃣有趣嘅課外活動經驗

好多公司都著重於同學有無積極參與課外活動，咁係因為公司會想請啲全面發展既人，最好仲有唔錯嘅領導經驗！面試官可以透過呢啲經驗去了解你嘅處事能力、性格適唔適合公司，所以唔好睇小呢啲課外活動，佢哋分分鐘就係幫你入投行嘅機會嚟㗎！

.

例如：如果你係學生會會長，你就可以諗吓你舉辦過咩活動？從中得到咩技能？呢啲技能又對公司有咩幫助？所以同學最好諗定兩至三個具體例子嚟說服面試官，令佢覺得你係一個全面發展嘅人！除咗學業之外仲可以兼顧埋課外活動，時間管理做得好好👍🏻咁當你想說服面試官，你會喺最適合嘅人選！

.

4️⃣展現你精準獨到嘅Market Views🌍

而另一項投行極為重視嘅能力，就喺你有無精準獨到嘅Market Views！平時同學如果有聽HKCareers話，多讀新聞，分析唔同渠道嘅資訊，培養自己嘅Market Sense，喺回答呢類問題嘅時候，當然不妨由此入手，講吓你嘅Market Views如何令你成為最啱嘅人！

.

💡HKCareers小總結：呢個世界總會有比我地叻嘅人，但並唔代表佢地比你【更適合】！同學事前一定要做好功課，了解公司需要咩人！而去到面試時，就要努力說服面試官，你先喺最適合嘅人選！咁先可以百戰百勝！

.

最後，如果你想 #HKCareers 💡分享更加多有趣嘅 #投行面試問題，教你點樣答先可以增加拎offer機會🧐就一定要❤️同follow我哋既page！咁就唔會錯過任何最新既投行面試題目啦！🤩