點解好多Bank-level嘅同學最後拎唔到（投行！）Offer？四個常犯錯誤，令到同學錯失Summer Analyst / MT 機會！
之前HKCareers同你分享左Non-BBA同學成功入到投行Front Office嘅例子，今日就想講下點解有啲Profile好好嘅同學無辦法拎到心儀（特別係投行）Offer！其實HKCareers咁多年來確實見過一啲非常可惜嘅Case，有啲同學CV其實好強，本來應該可以拎到好好嘅Offer，但就因為出現左以下4️⃣個疏忽，浪費左Secure Summer Analyst/ MT Offer嘅寶貴時機！如果你唔想出現同樣情況，咁就一定要睇清楚同Save低以下幾個Points：
.
1️⃣報工類型太過單一，限制咗自己其後有嘅選擇
好多同學其實對自己想入咩行業或職位非常肯定，而且亦對自己非常有信心，所以報工就只係Focus自己有興趣嘅職位，例如之前試過有個Profile唔錯嘅同學，佢只係想入Trading，亦都只係報Trading有關嘅工，其實當時HKCareers嘅Coach都有同佢傾過，由於佢Technical skills唔係最強，而Trader需要嘅Programming Knowledge如Pythron，SQL同R等都係要極Solid嘅，所以佢要爭贏其他同學會有一定難度⋯⋯加上係香港嘅Junior Trader Position會比Sales少好多，好多時公司甚至無開headcount，雖然我地同呢位同學一齊努力爭到入去唔少公司嘅Final round，但又咁岩撞正今年Market唔好，啲公司都揸實咗啲Headcount，令到同學停咗係Waiting List上面等消息，而如果佢係報左其他投行Front Office位，以佢嘅Profile相信已經拎到Offer🙈
.
2️⃣唔夠勤力
我地之前亦有講過，其實係香港可以報嘅金融機構只有40間左右，報曬再加埋其他相關既Summer Program，可能亦只係要做60＋Applications，但我地亦有見過唔少CV唔錯嘅同學唔夠勤力，成年只係報左20份工左右，咁大家都知由CV Screening、Apt test、Video In、Assessmnet Center⋯⋯直到去Final In，每份工都要過五關斬六將，偶然一時失手，偶然公司突然唔再請人，偶然唔知點解無被Shortlisted，偶然HR可能唔見左你份CV，報左嘅20份工又有幾多份可以去到Final Round？大家報工最Critical嘅時間其實係每年嘅Recruitment Season，一定要把握呢段時間報工，最少最少要報夠30＋份，唔係就嘥咗啲時間！
.
3️⃣錯失左Recruitment Season
每年嘅Recruitment Season由8月左右開始，直到12月左右，係呢段時間會有最多投行同大銀行開始進行招聘，如果係呢段時間無報工，去到12月之後，可以報嘅工就會變左係地產、Conglomerates及細銀行。但基本上去到3月尾時，已經唔會有咩工淨低可以報！之前亦有試過有Profile好好嘅同學，因為去左Exchange，可能真係玩得太開心啦，成個Recruitment Season都Miss左⋯⋯無論你個CV幾好，如果錯過左Recruitment Seaon，就算喊住搵HKCareers都無辦法啦⋯⋯
.
4️⃣無為自己整定Safety Net
呢點同只報自己最想入嘅Positions類似，係報工上無論係太無自信或太有信心都唔係咁好，上年Recruitment Season開始時亦無人諗到啲Headcount會Cut成咁，所以Build Safety就變得好重要，今年亦有同學係只Target入投行，而且亦去到Final Round啦，但就係呢個時候公司卻突然停止Recrutiment🙀，咁同學就即刻回頭再去報其他銀行嘅Summer Internship，但因為個時已經比較遲啦，就算佢個Profile幾好，再做過啲Apt test同Video Interview，之後都無再收到其他消息⋯⋯如果佢一開始係報投行時，順便報埋其他銀行，咁就未必會面對呢個情況。
.
其實HKCareers係設計我地嘅Career Coaching Program時，搵來咁多來自唔同行業嘅Coaches去幫助大家，而唔只係Focus係Investment Banking嘅其中一個原因，搵工時可能出現嘅變數實係有千百種，我地可以做嘅就係提供更全面，更多類型嘅Support俾大家，唔好下下都變左IBank or nothing 嘅尷尬情況🙈 希望大家睇完今篇文後會吸收咗前人嘅教訓！立即Follow同Like #HKCareers，吸收最新求職資訊，為下個Recruitment Season作好準備！💪🏼
