Work From Home 都可以拎到Return Offer？教你七招實習穩拎Return Offer嘅方法

而家好多做實習、PT Intern同Placement嘅同學都變左work from home，又或者係行緊A/B Team，隔2日先返Office做野。目前疫情肆虐，好難講WFH嘅安排會去到幾時，可能到暑假做Summer Internship仍會受到影響，最擔心就係怕WFH會影響到你嘅表現，令你收唔到Return Offer！係今篇文入面，HKCareers 會同大家講下，WFH有咩方法可以令到上司知你嘅工作狀況，建立一個能夠work independently嘅好印象！令公司想唔俾Return Offer你都唔得！

.

當然我地都好希望到暑假時肺炎已經散退！大家都回復正常生活，但如果情況依然未穩定，大家仲需要喺屋企做嘢，咁就可以試吓以下方法去表現自己嘅長處：

1️⃣ 用多出尼嘅時間Initial新Project🔍

WFH最好嘅就係大家可以節省好多交通時間，分分鐘一日慳到一到兩個鐘時間，其實大家可以善用呢啲時間去進行新Project，等你除左日常要完成嘅工作外，仲有更多成績可以展現到俾上司睇！

.

例如你發現有某啲方法可以令到公司嘅Operations做快啲，可以用呢段時間去試行呢啲方法。又或者你可以諗下，會唔會有啲咩方法可以幫到公司做好啲sales 或 marketing? 做好啲Data analysis去發展新嘅Business Strategy 等等？試下Brainstorm下，諗十個Ideas，再將最有用個三個有系統地報告同建議俾上司知道。咁唔單只可以俾上司知道你有做野，更可以表現出你獨立工作嘅能力。

.

2️⃣定時報告工作進度交Progress Report📃

好多時上司未必會要求你交Progress Report，甚至唔會係咁追問你做緊咩，但始終你唔係Office，上司其實可能真係唔係好知你做緊咩，如果你係每日Day end時交份簡短嘅progress report 俾佢（簡短好啦，唔好花半日時間打10頁紙去講你做左咩，咁反而有反效果！），話佢知你今日完成左咩，聽日又會再跟進或開始做邊幾項工作，等佢了解你嘅工作進度，令到上司放心好重要，當佢知道你既有工作能力，做事又上心負責任，咁佢之後先會放心交更多Project俾你跟，跟得愈多你就學得愈多野，學得愈多之後拎Return Offer 或去搵其他工作嘅成功率都會愈高！

.

3️⃣增加與同事嘅工作交流🗣

除左Supervisor外，同其他同事嘅工作交流都好重要，大家不妨主動少少，用返公司常用嘅方式去同同事交流（即係用開email 就 email，Skype 就Skype，如果大家無用開私人電話做公事，你就唔好無緣無故不停WhatsApp同事私人電話啦），工作有咩問題就直接問同事，多了解工作內容，甚至主動詢問同事有咩需要你幫手做！你做得Internship都係想令盡量自己學多啲野，砌靚個Profile，唔好因為WFH就係到扮工，如果唔係做完份Internship，CV都無野寫，想要Return Offer 或令到其他公司請你都幾難！

.

4️⃣俾上司聯絡到你📞

WFH其中一件好重要嘅事就係要俾上司聯絡到你，記得電話跟身或保持上線。試諗下如果你係老細，每次你有事打俾個同事，佢都唔聽你電話或者好似唔係做緊嘢咁，你都會覺得個同事喺度扮工，而唔係辦工，咁樣俾人扣印象分真係好無辜。當然你可能真係去咗洗手間，唔小心錯過咗上司同事個電話，咁係呢個時候你就要盡快覆返電話俾佢，等佢知你唔係行開咗好耐唔知做緊咩

.

5️⃣跟隨Work schedule，減少誤會🕰

喺屋企做嘢另一個好處係時間比較彈性，大家可能會遲啲開始做嘢遲啲收工，或者早啲開始做嘢早啲收工，最常見嘅係改變或延長左食晏時間，你Lunch time唔餓就自己改左去2點先食野咁。雖然WFH時間比較彈性，但都建議同學跟返routine去工作，幾點開工食飯收工都唔好改得太離譜，因為老細同事唔係你身邊，唔知你點解會遲左食晏，佢地只會知佢地係非lunch hours 時搵你唔到，即使你其後解釋返，都會有好多不必要誤會，咁樣俾人扣印象分都幾唔值得。但如果跟返Office Hours就唔會有呢個問題

.

6️⃣公司好多Confidential Documents，WFH做唔到野點算好？🗂

好多銀行或大公司嘅資料都要保密，你WFH無辦法接觸啲客戶資料，就變左好多野都做唔到。係呢啲時候，其實可以主動做多啲Research同Analysis呢類無牽涉客戶資料嘅工作，例如做多啲Market Review and updates、分析個別行業之後嘅發展或做Competitor Analysis等，呢啲基本工係之後回復正常工作時非常有用，如俾到你更多Insights去幫客戶砌Invesment Portfolio、知道競爭公司有咩新嘅Initiatives同建議你自己公司可以點回應等。

.

7️⃣熟用各種Software或Apps📲

其實WFH呢個安排唔只你係第一次試，好可能你嘅上司或者同事都係第一次經歷，係呢個時候好多軟件同App 如Zoom或Bluejeans都忽然派上用場，咁大家好可能都唔係好識用呢啲Software，但對於身為後生仔女，有一定IT sense嘅你尼講，只要唔怕麻煩，花少少時間去研究，一定會識用，甚至可以發掘更多更岩用嘅軟件去介紹俾上司同事。呢點正正係表現出你有解決問題同不斷學習新事件能力嘅例子。當大家都用唔掂，但你兩三下就做好左，上司同事唔對你另眼相看都幾難！

.

大家有無發現以上七點其實有個共通點，就係表現你嘅主動性同責任感，無論處於咩工作崗位，上司對你能夠獨立工作（work independently）嘅信任都係咁重要！WFH時嘅表現會直接影響佢對你嘅信任，或者判斷係市況唔好時，係咪依然應該留住你或出Return Offer俾你！千祈唔好為左偷懶，放棄左增取上司信任嘅大好機會！

.

如果你或你嘅朋友都需要WFH，快啲📨Share篇文俾佢或直接係下面🌀tag佢，提下佢WFH有咩要留意！

.

另外HKCareers係Mar 4(Wed) 9pm 會有另一個Live Webinar‼️，如果你想了解究竟iBank MIddle & Back Office係咪適合你，咁呢個會Cover以下內容嘅Webinar就唔好錯過啦：