（想知你幾時先可以Work-life Balance？）6大Grad Job之Working Hours排行榜
黎到一月尾，有唔少公司都己經放左Intern/Grad既Offer。係決定Accept Job Offer或者決定入邊個行業之前，人工、前景同公司文化固然重要，但係Work Life Balance或者工時係另一樣因素你一定需要留意。如果畢左業入左職先知份工太Chur，自己捱唔住，到時先轉行轉工就會令到你1️⃣CV花曬、2️⃣冇咩好嘅Grad Job選擇 同 3️⃣浪費精力時間🙊
.
小編會係呢篇3分鐘嘅短文入面同你講解Worklife Balance同Worklife Integration，另外更重要係分析銀行、四大、地產同Conglo等六大主要職位Worklife Integration 嘅程度
.
點先叫Work-life Balance🤔？
其實你咁努力搵工面試拎Offer，除左為左份人工，最終嘅願望都係想生活幸福快樂，咁畢業頭個幾年趁後生搏盡啲都合理嘅，但係如果畢左業十幾年後都係咁Chur，幸福快樂嘅生活遙遙無期，咁都幾難捱🤧所以對小編尼講，畢業5年之後有Work-life Balance就最好啦😙！
.
💣各大行業Work-life Integration排行榜💣
1️⃣Big 4 Audit （Work-life Integration 指數：💣💣💣💣💣💣）
相信大家都唔會意外最Work-life integrated嘅一個行業就係Big 4 Audit！亦所以咁多個行業入面，auditing嘅入場門檻係最低嘅。而且Big 4 Audit並唔只係新入行時Chur咁簡單，去到第3、第5年，甚至做到Manager時都一樣好chur🙊，Peak Season星期六日都要返工做野就一定咖啦，以長工時榮登Work-life integration排行榜第一位！
.
Big 4 Audit可能要去到做Partner時先會work-life balance少少⋯⋯，不過近年都比較多人要12-13年先做到Partner，但係Partner嘅壓力就來自跑數搵新客，同確保每單Audit嘅Budget都夠用，work-life integrated嘅位唔在於工時，在於跑數壓力。講起尼，無錢似乎就係Auditing咁chur嘅原因⋯⋯唔夠Budget，3個人做6個人嘅Project，想唔Work-life integrated 都唔得🙈
.
2️⃣Tax and Advisory（Work-life Integration 指數：💣💣💣💣💣）
Tax and Advisory相對於Auditing一定balance啲，不過Tax and Advisory可以去到Work-life Integration 排行榜第二位，係因為佢地亦有好Chur嘅deadline要跟！好似係Tax deadline前後咁都要接受work-life integration好一段時間😣（不過Peak嘅時間會比Audit短）
.
而Advisory嘅情況亦類似tax，由於大部分工作都係project-based, 係趕deadline時就一樣要Chur下啦！咁當然啦，如果你無咩Project，或者啲Project分佈嘅時間比較平均，需要work-life integration嘅情度都會降低。而且做Tax或Advisory嘅Manager通常會比Audit Manager輕鬆啲，因為好多ground work都未必需要佢地親身去做，可以派下面嘅人去做，不過Sales stress就一樣避唔到啦😵
.
3️⃣ Banking Front Office （Work-life Integration 指數：💣💣💣💣）
雖然同樣係銀行，但係Front Office同Middle and Back Office嘅Work-life integration都會有分別，咁係因為Front Office都需要湊客，所以係多客多Deals嘅時候就會Chur好多！Bank front office係忙嘅時候都有需要星期六日返去做野！又或者你係做Private Banking嘅，亦要經常陪客參加不同活動（睇呢期佢地興跑馬🐴定玩遊艇🛥啦）
.
4️⃣ Property / FMCG（Work-life Integration 指數：💣💣💣）
小編其實諗左好耐呢兩個要點排，但都係覺得呢兩個行業嘅work-life integration 差不多。首先要講明，呢兩個行業嘅工作一啲都唔易做，唔一定比Audit或Advisory簡單，但係呢兩個行業整體嘅Style就無Chur得咁盡
.
首先講下Property，無論係Sales and Marketing或Leasing似乎都無Banking咁chur，星期六日係可以放假嘅😂當然啦Sales and Marketing或Retail Leasing要好Chur都可以好Chur，例如若果你個樓盤或商場係新開，有Grand Opening嘅活動要做，又或者過時過節多左Campaign或Event搞，都一定會忙左，但如果係Office Leasing或Property Management 就好少要OT啦
.
FMCG嘅情況同Property有啲似，好睇你間公司做咩產品，如果係Estee Lauder或Loreal，係趕做聖誕或情人節呢啲大節日嘅Sale Season時一定會忙，畢竟係最搵錢嘅時候，唯一嘅好處係Sale Season年年時間都好固定，可以預先Plan定同知道幾時會忙完，一定唔會好似Audit咁日日如此見工作多過見家人。
.
5️⃣Banking Middle and Back Office （Work-life Integration 指數：💣💣）
而Middle and Back Office 就有一半工作係Routine tasks，好多工作可以Plan in advance，無咁多tight deadline或Project，自然就可以work-life balance多啲👍🏼
.
6️⃣ Conglomerates（Work-life Integration 指數：💣💣）
其實聽返好多同學都講，入到去Conglomerates如Swire同Jardines都無想象中咁辛苦。雖然亦會多Project-based tasks，但都係策略性為主，pipeline會鬆啲，唔需要用生命去追進度🏃🏻♂️
.
希望呢篇文除左幫到就Grad嘅你揀Offer，仲可以幫到Year 1或2 嘅你揀行業揀公司。寫到呢度，小編突然頸後一涼，有啲擔心腦細會追Post。係咁嘅腦細，小編我最鍾意就係work-life integration，最唔鍾意就係放假，邊個人要我Work-life Balance就係我敵人！我寫呢篇文只係為左呃Like，絕對唔係我心聲🤚🏼！
.
希望各位同學你地都俾多幾個Like小編❤️
#HKCareers #Achievewithus #HKCareersBanking #HKCareersProperty #HKCareersFMCG #HKCareersconglomerate #HKCareersAdvisory #HKCareersBig4Audit #HKCareers2020jan
