大學生做Career Planning需要知道既「行業三大原則」
相信大家都知：有啲行業前景會比較明朗（如金融），有啲就比較一般（如紡織）。雖然唔同行業既Intern／MT／GT一開始既人工或者一樣，但係當你入左行五年到十年，有啲行業既人工可以講緊7-20萬，有啲都仲係得3-6萬，所以當同學仔做Career Planning既時候，揀岩行業係十分重要。今次HKCareers會同同學分享揀行入的三大原則，等你地唔會入錯行先尼後悔！
.
今日小編想用航空業為例，同大家睇入行要留意嘅野：
1⃣唔好靠印象，要睇返市場當下嘅發展：
好多時同學決定想入咩行，都係靠印象或者係聽師兄姐講過自己嘅經驗係點就算，咁印象中航空業發展都唔錯喎，全球化好多貨運，加上香港有唔少私營機構好似國泰，然後仲有咪公營管理機構——HKAA香港機場管理局，入左就同政府工好似，薪高糧準⋯⋯
.
但根據今年嘅情況，航空業似乎唔再係一個穩陣嘅選擇，第一係油價升同貿易戰下全球貨運都跌左好多，令到好多航空公司都少左收入；第二係公營機構HKAA今年連Program都無開🙈；第三係私營嘅港航雖然大步跨過左倒閉危機，但係相信大家對一間曾經試過拖糧嘅公司都唔係咁有信心再入去做⋯⋯所以你話靠印象幾咁危險呢⋯⋯
.
2⃣多唔多公司俾你轉工？
嗱，咁大家入左行都未必會係同一間公司做到老，所以入行時睇下個行業多唔多公司俾你轉行亦好重要。用航空業為例，以香港為基地嘅航空公司並唔多，只係得國泰、HK Express同港航，所以同學面對嘅問題係如果要轉工時，香港有嘅選擇就唔多，只係得其他外國航空公司嘅本地細Office做選擇，甚至好可能要轉去新加坡等地搵其他機會✈
.
3⃣睇行業嘅龍頭公司Prospect好唔好？
睇龍頭公司嘅MT Program，可以幫助我地了解行業Prospect。正如FMCG大家想入P&G，航空業除左HKAA，大家最想入嘅都會係國泰。先撇除國泰之前嘅負面新聞唔講，其實國泰本身係無MT Program嘅，只有一個IT Graduate Trainee Programme / Graduate Engineer Programme，如果你想入去做，就要經Swire嘅Program入去，咁Swire嘅Program係好唔錯嘅，做國泰亦有唔少福利，雖然個Exit Path 正如上一個Point所講確實無其他行業咁多⋯⋯但好處係國泰都叫同香港緊扣在一起，如果香港撐得住，國泰應該都會撐得住嘅，所以如果大家係今年嘅情況下依然決定入航空業，小編都會建議你揀返國泰啦⋯⋯
.
無論你係想入航空定其他行業，都要記住用以上三點尼考慮清楚！睇到呢到無理由唔俾個Like🥰我地呀！如果下年HKAA開返Program，你地仲會唔會入？
