12月中啦！仲未有Intern / Grad Offer點算好？

話咁快就12月中啦！相信好多同學已經感受到Market唔好嘅影響，如果你到今天都仲未有Offer，甚至連面試都唔多個，就要睇下呢篇文，諗定點算，唔係之後你得返嘅選擇就會愈來愈少⋯⋯毫無頭緒要做咩？Loop落去睇下啦：

.

⭕️有面試但無Offer點算好？

好多人會話Market唔好唔驚嘅，我個人夠叻就一定會有Offer⋯⋯小編當然希望大家都有Offer，不過市場係點我地無得控制，千祈唔好抱住僥倖嘅心態，一定要做定兩手準備。如果你一直Keep住有面試，咁就要做定以下兩件事：

.

1️⃣檢討面試出左咩問題，準備可以做足啲？

呢個point聽落好廢但其實好重要，有面試證明你個Profiles唔錯，所以無俾啲大公司Screen走，但係面試時就做得唔夠好，或者係唔夠其他candidate好，先會收唔到offer，最直接嘅方法就係之後嘅面試要準備足啲，有關於公司、行業資料、或者係我地之前寫過嘅面試常問題要好好準備呀

.

2️⃣報定低一個Level嘅公司：

當好多大公司cut headcount時，即使你本身個CV係去到iBank或大行嘅Level，亦有可能被人推左去下一個Level嘅公司，所以報定先一定無壞。例如你本來只想入投行，亦有收到面試，咁如果到而家仲未有offer，就一定要報多啲下一個Level嘅公司啦

.

⭕️Final Year嘅你點做好？

1️⃣報定Second-tier consulting、accounting firms，或者係direct positions

呢個方法同上面講報定低一個Level嘅公司好似，唯一要留意係，有唔少Fresh Grad會一邊做住Grad Job，一邊報再下年嘅MT/GT，有啲公司如星展DBS亦比較鍾意有經驗嘅人。所以如果你報Second-tier firms或direct positions時，記得搵返份關事嘅工，如Bank Branch Trainee咁，對下一年再報返MT/GT會比較有利🙃

.

2️⃣係時候決定要唔要Defer

如果大家決定下個sem要defer，記得報返HSBC或Hang Seng嘅Coop Program，雖然Coop唔會有return offer，但係個Brand name對你地之後搵工會好有用

.

3️⃣報Master

同學或者會問，讀master點會幫到我搵工？其實唔一定嘅，最緊要讀個Master係相關嘅，同埋如果你本身唔係target school，讀Master都有助洗底。而如果Defer或報左Master，記得立刻改變策略報Summer Intern，而唔係Grad Job。講左好多次啦，如果本身唔係Investment Banking個field做緊野，好難轉行入去，做Summer Intern 搏return offer係最容易嘅選擇！

.

⭕️報緊Summer Intern嘅你點做好？

好多投行同銀行已經係第一個學期開曬，甚至截止左報名，如果報緊Intern嘅你仲未有offer或面試機會，就要留意：

1️⃣雖然第二個學期如無意外會有更多地產或Conglomerates嘅summer internship開始請人、有唔少之前被reject嘅Offer會漏返出尼，或者係有啲細行會繼續請人，但係一般尼講第二個sem開嘅Program一般會無咁structured, 拎到return offer嘅機會亦會細啲

.

2️⃣未必咁輕率決定第二個學期Defer

同Final year唔同，你地無咁趕需要defer，做呢個決定前要考慮清楚；之前我地都有聽過同學因為take左Placement而無左份Summer Internship，咁就得不償失

.

3️⃣如果sem 2 都無offer，就要考慮Overseas Internship

記住唔好空左個暑假！如果唔會defer，Overseas Internship亦係一個唔錯嘅選擇，特別係之前無咩intern經驗，想有第一份工作經驗嘅同學

.

4️⃣做RA有無得諗？

仲有另一條路，就係問下學校嘅教授有無請緊Research Assistant，幫教授做research亦可以學一啲transferable skills，如research同analysis skills，對未來嘅工作都會有用

.

5️⃣學定多啲技能：呢點唔會幫到大家立刻拎到Offer，但對之後被shortlist好有用。好多同學會係CV最底寫自己識好多Skills，如Python、Bloomberg Terminal 同VBA等，可以趁暑假學好練好，因為面試好可能真係會問你用呢啲Skills做過咩，又或者你覺得用呢啲Skills可以點樣幫到我地個Division等等

.

希望以上嘅資訊可以幫到未拎到offer嘅你，如果仲有朋友未有Offer，記得share篇文俾佢睇！喂喂，記住你地問小編要邊個offer嘅時候要講返自己有咩經驗同背景，就咁問我地好難俾到答案你地咖！俾個心心我地啦❤️

#HKCareers #achievewithus #hkcareers2019dec #hkcareersInterviewTips #hkcareersGradJob #hkcareersInternship