黎緊面試必須準備問題：「點睇香港政局對市場嘅影響？」
近期有唔少同學係見工過程（銀行／地產等相關公司）被問到政治相關問題，例如：政治立場。相信大家都知道係面試入面，講「政治」係大忌，因為同學好難知道Interviewers嘅立場係點。如果之前無準備同諗定點答，面試當下突然被問到呢條問題都唔好話唔驚。係呢篇文章我地會同同學分享4個「實無死」嘅方法去答呢條問題，唔知點答嘅同學就一齊拉落去睇睇啦：
.
⭕咁點答好？
呢條問題其實就真係無標準答案啦，政治立場大家可能有自己嘅睇法，不過小編覺得同學一定要事前諗定點答：
.
1⃣小編第一個建議係唔好一面倒去講個市場死梗，香港經濟會玩完等：
第一個原因係Interviewer可能會覺得，如果香港經濟玩完，我點解仲要請你？第二個原因係，Interviewer問香港政局對市場同經濟嘅影響，另外隱含嘅意思係，係經濟同Market有變化嘅時候，我地公司要點樣適應？點樣可以保持到競爭力？而如果請左你，你又可以點樣幫到公司？講到尾不過係想考驗大家夠唔夠醒，留意到市場或社會對公司業務嘅影響
.
2⃣咁當然啦，大家亦唔好答完全無影響，會令Interviewer覺得你太離地：
事實上兩者係真係相互影響嘅。係準備回答呢條問題時，小編想提議大家睇下SCMP一篇文，係講"Hong Kong is a test case of how much political risk investors can stomach"，呢篇文其實係11月19日出嘅，唔算係最新，但文內提出左一個唔錯嘅觀察：就係話social unrest雖然對市場同投資者嘅信心有一定影響，但係影響未必夠Trade War或Brexit大，而香港目前嘅社會事件如果會對市場造成更大影響，就一定係因為同trade war 拉上關係，例如香港會係Trade War中扮演咩角色等。
資料來源：https://www.scmp.com/comment/opinion/article/3038167/hong-kong-test-case-how-much-political-risk-investors-can-stomach
.
3⃣盡量用市場經濟嘅角度去回答：
大家可以考慮係面試前背定少少數據係腦，例如六月以來各大評級機構如Moody's 對香港嘅評分或恒指升跌等，盡量用經濟市場嘅角度回答呢條問題，盡量表現你嘅Market sense俾Interviewers睇。以恒指為例，而家雖然唔係最高位，但恒指其實係無大跌，代表投資者依然對香港有一定信心
.
4⃣按不同行業嘅角度去分析
咁大家都知有邊啲行業邊啲業務最受影響，就以地產Property為例，租務Retail Leasing受到嘅影響一定大過租屋Residential Leasing 、 Office Leasing同賣樓部 ，與其不斷集中去講Retail Leasing受到嘅影響，不如可以係面試時提出你嘅建議，講下間公司可以點係目前嘅社會環境下集中發展較不受影響嘅業務，畢竟間公司請你係想要你幫手解決問題（show your problem-solving ability），而唔係想聽你講間公司死梗啦⋯⋯
.
面試前可以做到幾多準備就盡做啦！如果有其他朋友仔將會有面試，記得係下面Tag佢或share篇文俾佢睇，可能真係會救返佢一命😉
