教你贏Major Case Com，同時Ace Case Study！

自從上個星期我哋share左Case Com list後，好多同學inbox問我地咁要點樣先贏到Case Com。其實除左係Case Com外，好多interview或者AC都需要同學做case study或analysis，所以係呢篇文HKCareers想講多少少有關Business Case Study嘅內容，同Case Study究竟想同學表現啲咩才能，等大家知道點先可以脫穎而出，既贏Case Com，又過到Business Case Study！

.

Case Com / Analysis想測試大家咩能力？

首先大家要記住無論係Case Analysis或Case Com 都好，一個case都係用嚟模仿真實嘅Business ，考大家嘅處理問題嘅能力。雖然case有好多唔同類型，但普遍尼講，Consulting Firm都係想check大家有無以下能力：

1. 參加者有冇辦法用一個有系統同埋有效率嘅方式去組織佢哋嘅idea

2. 參加者係咪有出眾嘅數理能力

3. 參加者係咪可以清楚地交流意見同Idea

4. 當參加者面對唔肯定或者唔足夠嘅資訊時，會點樣處理呢個情況

5. 係面對大量相關或唔相關嘅資訊時，參加者可唔可以有效地綜合同組織，成為自己嘅意見

6. （對於Recruiter 尼講）如果我哋請咗呢個參加者，佢能唔能夠係壓力環境下代表我哋公司？

.

Business Case 有咩類型？

其實我地之前都寫過一篇文，話俾大家知〈參加Case Com的三大好處，六大戰略〉，如果未睇嘅同學都可以搵返尼睇。不過要強調嘅係，由於針對嘅行業不一，各個Com都會有唔同嘅 focus，例如要求參加者：

1. 寫Business Proposals

2. 分析某間公司有咩問題

3. 做報告（Presentation）

4. 做Financial Analysis

5. 提出Solutions 或Recommendation俾間公司等

從而測試同學不同嘅能力。所以大家係收到個Case時，第一件事要問自己，個Case 究竟係分析類（Analysis Type），定係Business Proposal type，然後再採取唔同嘅策略處理

.

不過大家最想贏嘅都係會MBB Consulting Firms或其他投行及銀行嘅Case Com啦，而佢地採用嘅Case比較多會係 Analysis Type，而且好多Case都會係佢地公司曾經處理過嘅問題，改兩改就用尼考同學嘅能力

.

所以小編想提下大家，做Analysis Type時可以按照呢個策略：

確認問題／目標：個Case 重點係想你地分析啲咩？有咩資料提供左？有又咩係無提供，如果無提供嘅資訊，你可唔可以透過唔同方式，例如自己計下數，推算到啲出尼？重點係要think outside the box，可以運用唔同嘅analysis同計算方法，例如係break even analysis、Profitability Analysis或Market Sizing 等計算，順便展現自己嘅數理能力

. 組織：當確定左個Case嘅目標後，一定要花少少時間去組織一下自己嘅分析，諗一個最有效率嘅方式去做分析，記住係MBB或大行返工嘅都係一啲轉數好快，秒秒中幾十萬上落嘅人，如果你處理個Case嘅方法唔夠有效率或太浪費時間，佢哋一眼就會睇得出，🙈為左使自己有系統啲，一開始可以試下寫低或盡左個Framework先

.

提供解決方法及建議：咁當然做Case Study嘅目標係要提供solution同建議，如果呢部份做唔到，之前分析得幾好都冇用。大家要留意用返之前搵出尼嘅數據、事件同分析結果去支持你提出嘅意見或處理方式。永遠記住，你提出嘅意見係要回應返你係「確認問題／目標」時發現嘅問題，咁就唔會俾個Case提供嘅一啲無用嘅資料帶遠左

.

報告：大家可以想像下啲評判或面試官一日要聽幾多個同學報告，好容易就會分神，或者係覺得你比唔上其他組嘅參加者。所以報告嘅時候，大家要有個清楚嘅脈落，等佢哋知道你報告到邊個部份，隨時再補充自己而家講到邊個部份，等佢哋可以跟得上你嘅進度！

.

唔知大家報左啲咩Case Com，有無搵啲同你有唔同長處嘅同學組隊？又或者自己同朋友有無收到某啲公司嘅AC（係呀Big 4有啲都出左啦）？如果有，就快啲係下面Tag你嘅隊友啦！#achievewithus #hkcareers