做Case Discussion的四個小技巧

好多公司係進行Assessment Centre時都會要求大家做小組形式嘅Business Case Discussion或Analysis，雖然話係操DSE時大家都做過小組討論嘅練習，但到左求職階段嘅Case Analysis玩法一定會好唔同，HKCareers今次就會係呢篇文到提下大家有咩要留意㊙️！

.

1️⃣ 係預備時間內Highlight問題同列出解決方法

其實Case Analysis有咩要做？Case Analysis一般會俾一個Business Case大家，等大家分析下個Case有咩問題，同更重要嘅係提出解決方法同補求措施☝🏼。所以大家係睇資料嘅準備時間入面，首先要Highlight返今次個Case有咩問題出現左，再嘗試列出幾個解決方法同實行時可能會出現嘅問題，預備係討論時提出🗣！

.

2️⃣為討論設定框架

最令人覺得掙扎嘅係，係討論期間做唔做Leader好？如果做，點先叫Lead得好？Lead Case Analysis嘅重點，其實唔只係搶第一個發言，更重要嘅係要為個討論設定一個框架，引導組員去進行討論，即係話你要簡單講一講你地個Case關於咩，然後提議大家花幾多成嘅時間去討論個Case有咩問題要處理、有咩解決方法同實行時可能會出現嘅問題等。即係話，如果有組員搶先過你發言，但又無講個時間分配，咁你就要出聲去提議返，等個討論有系統啲💁🏻‍♀️

.

3️⃣提醒組員討論的時間分配

同學要記住小組討論其中一個重點就係要考驗大家嘅合作同溝通能力，所以千祈唔好霸住枝咪唔俾其他人發言⋯⋯但小編都知道，總係會有人唔好彩遇到呢啲情況，如果係咁同學可以試係對方稍微停頓時，禮貌地多謝佢嘅意見，打斷一下佢嘅發言，同時提醒對方個討論要跟住一開始訂好嘅進度，建議大家進展去下一個部分先，等個討論唔好死kick係一個位

.

4️⃣討論分工

去見工就當然唔只係考大家的溝通能力，仲要考大家的工作同合作能力！所以大家要記住係討論嘅結尾花少少時間去討論分工，唔好就咁總結左有咩問題同解決方法就收工☝🏼

.

其實係大學入面真係好少幫同學做Case Analysis的訓練，所以呢點亦係HKCareers主要幫同學仔Train的部分。想知道我地個Program仲會做咩？快Click去Home Page睇下！#achievewithus #hkcareers