教你五招為Intern / MT / Grad Job 返工做好準備
唔少同學都決定好要邊個實習Intern、 MT 或Grad Job Offer，咁就係時候為返工做好準備啦👍🏻！係今日呢篇文我地就想俾少少建議大家，睇下可以點為第一天返工做好準備！
.
點解要做準備：
唔係就咁去返工就得啦咩？點解要做準備？其實做好準備係為左係on-board後即刻進入工作狀態，幫到手💪🏻俾同事一個好印象，有好多心理學專家都研究過，第一印象嘅重要性，如果同學可以依靠住做足準備尼增加上司同同事對你嘅好感，之後就唔使花咁多時間尼改變佢地對你嘅印象，而對於做intern嘅同學尼講，亦有助增加拎Return Offer嘅機會🔥。
.
準備一：返工前聯絡直屬上司🤝
同學可以係返工一至兩星期前透過電郵、WhatsApp或Linkedin去聯絡直屬上司，打聲招呼同講返自己就on board啦，如果你嘅supervisor有時間，仲可以約佢做個Coffee chat 或電話傾下計，唔會話係第一日返工先聯絡，可以盡好打好關係。不過記住唔好一尼就自己打電話去俾對方，咁會太突兀啦！
.
如果對方真係願意同你傾電話或Coffee chat，同學亦唔好太過緊張，好似面試時咁準備一大堆問題去問，記住你今次嘅目標係建立關係，有自信、自然同親切嘅態度反而會更重要
.
準備二：做好Research，了解上司嘅期望
咁無論係用咩方法聯絡上司，目標亦係為左了解佢對你工作內容嘅期望，好多時候直屬上司都會對實習生或Fresh Grad的工作內容有啲要求，你就要嘗試理解同準備自己去做到呢啲要求，咁當然你地自己都要做多啲research，包括係你所屬嘅團隊最近做緊咩大項目或有咩focus，咁係同上司溝通時就可以了解下佢地又會希望你點樣參與係其中，同提供啲咩幫助咁☝🏼
.
準備三：準備好專業Skills或知識
通常同學係On board前唔只係知道自己會入邊個Department好似S&T或IBD咁，仲會知道自己會入邊條Team， 所以大家就可以做更多technical嘅準備，例如你之後原來要用好多Bloomberg Terminal或VBA，咁你就要記得去溫下書，熟習下啲function點用，咁去到返工時就可以立刻展現你專業嘅一面啦✌🏻
.
準備四：跟好市場走勢
好多同學都會係面試前先臨急抱佛腳尼睇新聞，或者只係追睇HKCareers 嘅FB同IG尼追新聞😛但係入職就真係要跟膽返跟市場消息啦，因為市場變化同你地工作內容會有直接關係，特別係入投行、銀行同地產做Intern、MT同Grad Job的同學，一定要留意返你個領域入面嘅新聞同Market Outlook。如果去到On borad後先開始睇就會太遲啦
.
準備五：人靠衣裝👔
返工第一日最老尶係咩？就係你發現自己嘅衣著風格同條Team嘅同事差好遠。例如同學入左Back Office後台工作，原來同事嘅打扮都係Smart Casual，只係得你一個著左Full suit，咁就好似顯得你好無社會經驗，唔係好夠醒咁，又或者有啲公司對衣著要求比較嚴謹，但你件衫又皺曬皮，或者有啲同學只係得上莊件莊suit 咁，成日都係著同一套衫，咁都會有少少失禮。
.
而係女仔方面，無論你身材幾好，都唔建議衣著太過清涼，可以化少少妝，但又唔好大濃妝，要配合返個專業形象。重點係要係返工前了解下個工作環境同氣氛，準備定啲返工衫，無論著係太正式或Casual都唔好。
.
希望大家第一日返工都順順利利，如果係實習嘅同學就個個拎到Return offer，記得share篇文俾所有準備返工嘅同學呀🌹。
.
如果仲想知HKCareers 嘅同學之前拎左咩Offer，記得去睇埋IG @hkcareers_high_achiever
