四大家族換代，點影響想入地產業嘅同學？

成日都話香港由四大地產家族把持住，咁隨著四大家族逐一換代，又會點影響到同學入地產業嘅報工同準備策略㊙️？想了解更多就盡快睇落去啦：

.

四大地產家族嘅換代

四大家族係指長江實業嘅李嘉誠家族、新世界嘅鄭裕彤家族、新鴻基地產（簡稱新地）嘅郭得勝家族及恒基兆業嘅李兆基家族。隨住今個星期初四叔李兆基都宣布交棒俾兩個仔李家傑和李家誠，等佢地出任集團聯席主席兼總經理，四大家族已經完成換代啦

.

同學最關心嘅可能就係換代點樣影響呢幾間地產商未來嘅發展同請人要求，我地就數左呢幾個重點，同同學分析下：

.

⭕️Business Focus同發展嘅方向或改變：

✅李嘉誠家族：其實近十幾年誠哥都多向歐洲及西方國家發展，包括參與好多公用事業嘅發展，而佢個仔李澤鉅都反覆強調自己擔任主席後，長和唔會有大分別。其實李澤鉅都參與左公司業務好多年啦，交棒都係名義上嘅，根本佢就一早上曬手，所以公司發展方向似乎都唔會有好大分別

.

✅鄭裕彤家族：新世界嘅接班人鄭志剛其實年齡會比李澤鉅細少少，唔知係咪因為咁，投資和發展都比較多元化，講求藝術氣息，好似由鄭志剛同妹妹鄭志雯一手拉起嘅Victoria Dockside，係新世界目前規模最龐大嘅項目，而且K11商場品牌都係行藝術精品路線，唔只係香港，仲積極係大灣區插旗，做內地打卡點

.

✅郭得勝家族：咁郭家就一早交左去第二代郭炳聯同郭炳江兄弟手啦，爭產都唔係新聞啦。係業務方面新地似乎傾向做內地生意，一直專注發展核心區嘅地標綜合體同豪宅，除左上海IFC同ICC，仲有「地王」上海徐家匯中心地皮，未來好可能會多專注內地

.

✅李兆基家族：四叔旗下業務包括房地產、能源、交通及酒店等，包括多間上市公司如恒地、中華煤氣、港華燃氣、香港小輪、美麗華、恒基發展和陽光房地產等；由於李兆基兩個仔會共同出任集團聯席主席兼總經理，大家最關心就係佢兩個點分工，李兆基多年前曾經公開表示，大仔李家傑未來主管大陸業務，細仔李家誠（即係徐子淇個老公）負責香港業務。咁即係話恒基未來嘅發展都會集中係內地同香港啦，不過四叔其實會繼續留任執行董事，所以估計係未來幾年佢地嘅發展方向都唔會有太大改變，基本上都仲會按住四叔嘅大方向

.

⭕️請人策略有咩唔同？

1️⃣多元化嘅請人策略

咁換代同報工有咩直接關係？所謂創業容易守業難，四大地產商要保持住優勢，一定要為公司請多啲人才，係招聘程序上都會採取多元化策略，老實講個請人程序真係要過五關斬六將，除左傳統Business Case Study、Written Test外，亦會有Assessment Centre同 Team Game，而係Apt Test方面亦會有多用遊戲方式（Gamification）尼測試同學嘅能力，好似會用多左Skyrise呢類遊戲系統咁👾

.

2️⃣相對上一代無咁用人唯親：

好多時我地都會話係地產商到做野會難升上去，因為佢地都較容易用返自己人，但係到左新一代掌權人，由於佢地都受過高等教育，視野都比較國際化，做生意同管理嘅方式都會同上一代有唔同，會較重視人才嘅能力而唔係關係。

.

3️⃣會多睇同學配唔配合到公司嘅發展

其實四大地產商嘅業務一早唔再只停留係香港，而係國際同內地都有，同學係申請時一定要對佢地嘅業務同發展方向了解多啲，最少要講得出曬佢地有咩大頂目發展緊。其次要諗下點樣突顯出自己嘅熱情同能力，點樣配合到間公司，例如想入新世界，可以嘗試表現自己嘅創意同藝術感等，想入新地就可以強調自己對內地房地產項目嘅了解，如果你有曾經去過上海，有去行過佢地嘅商場好似iapm咁，就無理由唔提下啦

.

想了解更多HKCareers同學仔成功嘅例子？咁就要去IG @hkcareers_high_achiever #hkcareers #achievewithus