Internship Offer 又用咩原則去揀選？

上篇文我地教左大家點選擇Grad Job Offer，今日就輪到講下實習Offer啦！如果你或你啲朋友最近都煩惱緊呢個問題，就快啲睇落去。

.

⭕️揀選實習Offer同Grad Job 有咩唔同？

人工同福利唔係最需要考慮嘅重點！ 係揀選 Offer 時當然會考慮人工同Package，但對實習尼講呢兩點真係唔係最重要！例如話如果同學收到兩個Offer，一個係Citi Consumer Bank offer有17K，另一個係匯豐CMB只係得13K，某啲同學就會為左呢4K而選擇Citi。但大家諗深一層，實習時間真係好短，就算俾多個一萬八千你真係唔差得好遠，如果匯豐個Offer更有助你之後嘅事業鋪排同發展，就唔應該為左個4K而放棄呢個更有用嘅Offer

.

🖐🏻揀選重點：

重點一：揀份最Value-added，可以令你砌靚份CV嘅實習

❗️如果你已經決定左想入邊個行業🙆🏻‍♀️：

實習最緊要係俾同學累積相關工作經驗，方便之後搵Grad Job，所以揀Offer一定要配合到你嘅Career Goal。如果你已經決定好自己想入邊行，就當然要揀同個行有關嘅實習。如同學本身想入地產業，而你收到地產商同銀行兩個Offers，咁即使地產實習個Offer少好多錢，你都應該要揀做地產個Offer，配合自己嘅職業規劃

.

❗️如果你仲未決定好入邊個行業🙅🏻‍♀️：

咁當然如果同學仲心大心細緊自己畢業後要做咩行業，就可以嘗試搵多啲唔同類型嘅實習，令到自己個CV更多元化，等自己之後進可攻退可守，決定入咩行業都得。例如有位同學上年做左Equity Research嘅實習，但又未係百分百肯定自己之後係咪要入呢行，今年又再收到Equity Research嘅實習機會，如果佢再Take埋就好容易被人定型左係做呢行，難轉返出去。所以佢其實可以考慮選擇唔同類型嘅Offer，等自己個CV多元化啲。如果同學夠勁，大學四年儲曬Advisory、銀行同地產等工作經驗，一睇就知係個全面嘅人才，搵Grad Job時無論報咩工都好容易過到Screening

.

重點二：增加自己係大公司嘅經驗：

同學砌CV嘅時候，仲要平衡到自己既有大公司，又有相關嘅工作經驗。好多時同學為左有相關工作經驗，係Year 1 同 2做實習時都會揀啲細少少嘅公司，但係如果你已經儲左一定經驗，我地都建議同學要開始儲多啲大公司嘅經驗

.

咁係因為大公司嘅Brand Name可以幫忙你之後搵大公司Grad Job時過到Screening，即使呢份實習經驗唔算最相關都值得考慮。例如我地之前有位同學想入銀行，之前已經儲左細Asset Management 同CPA Firm嘅工作經驗，咁今年佢就又有細Asset Management firm同港鐵嘅實習offer，就跑尼問我地點算好。

.

呢位同學個CV上面完全無大Firm名，我地都建議佢可以選擇港鐵。雖然港鐵同銀行業無關，但因為本身Brand Name夠大，入到去呢類Proper嘅暑期實習計劃都證明到同學本身有一定能力，加上佢之前已經有相關工作經驗，之後過到HR Screening嘅機會就會大大增加。

. 重點三：學到最多野

咁當然份實習真係學到野都好重要，如果同學好想做IBD，就需要識Financial Modelling，如果係實習時可以有實戰嘅經驗，等你係之後做面試時可以分享返咁就正啦！所以同學係揀offer 前都要推算下個經驗可以俾到邊類工作經驗俾你，甚至可以inbox問下我地，睇下我地俾唔俾到啲咩建議你😎

.

重點四：有Return Offer機會

好多同學都唔知道，原來銀行業同Big 4嘅Headcounts有一半都會俾左return offer🤭，而Conglomerate都會有三成Headcounts留定尼做return offer，如果同學係想入銀行或Big 4 Advisory就更加要留意個 offer係咪有機會有Return offer。俾多個Tips同學，係take offer之前，其實可以試下同HR打探下呢個Intern Offer有無機會有return offer，收多啲風尼幫自已做更好嘅選擇🌬

.

好多同學Inbox問我地意見時都會話我收到A同B兩個Offer，就咁問揀邊個好，但其實揀邊個Offer好多時都要睇同學本身想入邊行，所以如果問意見，記得要講埋我地知你本身有咩工作經驗同想入邊行。如果你都有其他朋友仲煩惱緊點揀offer 好，記得分享篇文俾佢地同叫佢地Follow我地 ✌🏻 #achievewithus #hkcareers