Grad Job Offer收太多？點揀先至岩？

五月為大家帶尼Offers，揀選Offer需要睇呢篇文章。最近我地好多同學都收到多於一個Offer，向我地求救問點揀好。如果你都有呢個美好嘅煩惱，又或者希望知道自己之後收到多個Offer時點算，就快啲睇落去：

.

⭕️Grad Job 與實習Offer揀選方法不同

其實揀Grad Job同實習Offer要考慮嘅因素好唔同，畢竟實習只係短時間，Grad Job就會影響你未來幾年甚至一生嘅事業發展，今日我地首先講下點揀Grad Job。

.

重點一：人工 要考慮個Offer嘅人工就係人都知啦，但同學唔可以只係睇頭兩年嘅人工，記住你畢業後要工作起碼四十年，所以就算Grad Job高人地幾千蚊都唔算得係咩，重點係要睇份工或者個行業5到10年後個人工增幅你滿唔滿意。

.

例如Big4 Advisory同Audit一樣都係15K 起跳，好多Bank MT或Property MT都比佢地高人工，但要知道Big4 Advisory嘅人工加幅十分大，5年後就算唔跳槽最少都會有六萬月薪😏，仲未計有啲Advisory 工種好似Risk Advisory同IT Advisory咁求才若渴。我地有同學試過係5年內入到Swire Internal Control Advisory Team，計埋Bonus有成一球年薪🤭。

.

重點二： 福利

短期睇落好似間間公司嘅福利都差唔多，但當你做到中級管理層，有啲公司福利好到等於俾多份人工你。例如做銀行好似HSBC咁出左名員工醫療保險好，會包埋家人，加上銀行年假多達20至30日，做銀行借錢買樓仲會有超低息同九至十成貸款😍；另外地產商亦會俾員工用低息貸款或有折扣去買新樓，福利都算唔錯。

.

重點三：分析行業前景

入錯行之後要轉行就等於從頭開始，所以入行前要諗清楚該行業值唔值得加入。最近我地有同學收到大昌行同FDM Business Analyst 兩個Offer，雖然睇公司名，大昌行好似好啲，但如果你考慮埋行業前景，就應該知道物流業係香港已經息微左廿幾年，依家入行根本就無向上流空間，再加上大昌行主要做汽車、消費品同物流配套，都幾受近期貿易戰嘅影響，相反IT Project Management 或Business Analyst 呢類嘅職位嘅發展愈來愈好，之後要轉工都會容易啲搵到更好offer。

.

重點四：短期事業規劃

同學可以試諗清楚自己未來五年🖐🏻嘅計劃，分析邊份工能令你達成目標。如果同學係想份工唔好太辛苦，可以俾你有多啲時間做其他野，如考CFA或做秘撈，咁入投行IBD、S&T呢類工作量大嘅工可能未必最適合。反而可以考慮下入Private Bank或Corporate Bank 做Relationship Manager，或入中後台做會輕鬆啲，有多啲自己時間。

.

如果你係想自己係畢竟五年後取得一個專業資格，咁Big 4 Audit或Advisory 亦係唔錯嘅選擇，始終Big4會有好多考試訓練或Study Leave等實際支援。

.

又如果你係想方便之後轉去某個特別行業，亦要考慮個Offer係咪能夠令你個CV增值。例如我地有位同學本身好想入地產商做MT，但最後佢只係拎左EO同Avista Valuation Advisory Offer，雖然好多人睇牌面會揀做EO，但因為呢位同學想花多一年搏入大地產商做MT，最後都係揀左要Avista個Offer，畢竟呢份工較能表現到佢對地產業嘅熱情，比做EO 再報地產MT更有優勢

.

重點五：人生目標同性格

1️⃣你想幾時退休？

如果你想係40-50歲就退休🧔🏻，可能就要揀投行前台呢啲搵得比較多錢嘅部門；但如果你想穩定啲係同一間公司做到60幾歲👴🏻，唔想轉工，穩穩定定咁升到部門主管，就可以適合入大Conglomerate 如Swire同Jardine。

.

2️⃣鍾意Chur 定 Hea？

同學可以諗下自己鐘意不斷學習，定做啲做熟左就唔使點用腦嘅野。如果你係前者，可以考慮下做投行前台；相反後者就可能比較適合做中後台，工作內容會傾向routine。

.

日日都有好多同學Inbox問我地揀邊個Offer好，但其實真係有好多野要考慮，始終人生係自己嘅，大家一定要就住以上幾個重點，諗清楚自己想要咩再落一個唔會令自己後悔嘅決定🙂仲要記得分享篇文俾更多朋友仔 #Achievewithus #hkcareers