大學四年幾時去Exchange最好？

幾時去Exchange係大學生涯好重要既決定。如果選錯時間去Exchange分分鐘會錯過左搵實習或者Grad Job既時間。

係呢篇文入面，我地將會俾幾個Tips 同學，等你地可以完Exchange夢又可以配合搵工大計：

.

⭕點解要去Exchange：

1． 由個人成長角度去諗，Exchange係同學人生中最後一次可以用學生身份去長住外國，體驗不同嘅生活文化同擴闊眼界嘅機會；

2． 由職業規劃嘅角度諗，Exchange可以俾同學建立人脈、練好溝通能力，同埋累積International Experience，有唔少大機構都會鍾意有海外交流經驗嘅同學。

3． 抵去：有唔少大學都會為同學提供交流嘅獎學金或資助，同學係俾香港嘅學費同時，可以係外國大學上堂，點諗都係抵！

.

⭕Exchange長度：

雖然話去Exchange大家都好想玩耐啲，去足一年，但除非大家真係好有信心可以Trans夠學分返尼,唔使延畢,否則我地一般都係建議大家去一個學期。如果唔係仲會錯過好多報工同面試機會。

.

⭕Exchange時間排行：

咁究竟邊個學期去Exchange最好？我地排左個表出尼：

1． Year 2 Sem 1

2． Year 2 Sem 2

3． Year 3 Sem 1

4． Year 3 Sem 2

.

好多同學Year 1 連Major都未揀，當然好難Exchange，而Year 4時同學都係追緊offer之時，當然都唔建議去Exchange。所以最好嘅時間其實係Year 2 , 再尼先係Year 3。

.

點解Exchange時間，Sem 1 會比Sem 2好？咁係因為大部份嘅Internship Opening會由Sem 1開始，而你係Exchange嘅時候都可以做到Aptitude Test或Phone In，到Sem 2 番黎就可以出席Interview。

.

不過要留意，如果同學Target 嘅係iBank/ First Tier Bank ，佢地通常會比較早有Assessment Center，可能會係Sem 1期間舉行，要求改時間或者用Skype做AC 都會比較難‼同學去Exchange之前都要考慮清楚，折衷嘅做法可能係Year 2 Sem 1就去Exchange，咁Year 3 Sem 1就唔好再去啦。

.

⭕Exchange多都要小心平衡做實習嘅時間

雖然Exchange 好開心，但原來有好多課程嘅同學仔係被規定左去Exchange嘅次數同時間，有以下例子：

.

1⃣中大嘅環球商業學（Global Business）：呢個課程其實係同中大工商管理學院、丹麥哥本哈根商學院同美國北卡羅萊納大學教堂山校合辦，所以同學係Year 3嘅Sem 1開始，就會分別係哥本哈根、香港同教堂山上三個學期堂。

2⃣中大嘅國際貿易與中國企業（IBCE）：呢個課程就由中大工商管理學院同美國南卡羅萊納州大學摩爾商學院合辦，同學係Year 2 時要去一次內地交流活動，之後Year 3再到南卡羅萊納州大學進修國際商貿科目。

3⃣城大Global Business：課程提供三次交換計劃，每次一個學期，其中兩次為必須參與,分別係北美同歐洲，最後一次為選擇性參與。另外仲有其他海外交流活動。

.

以上呢幾個課程都係主打Global Business，所以先會安排咁多交流機會，增加同學嘅International Experience。而且佢地收生其實都唔多，算係非常搶手嘅課程🤔。不過硬性規定左去Exchange嘅次數同時間，亦容易令同學係計劃實習方面受到限制，未必咁易就到時間去報工同做面試，所以入左上面三個，或者其他有限定Exchange時間同次數嘅課程嘅同學仔，一定要更早計劃好幾時去報工或做實習，等自己畢業後CV上唔會只係有豐富嘅Exchange經驗，仲要有埋豐富嘅工作經驗。

.

如果你都有朋友計劃緊未來既Exchange，不妨係下面Tag佢地或者Share呢個Post。😁

#achievewithus #hkcareers