想拎Offer、砌CV同準備面試？ 參加Case Comp的三大好處，六大戰略

除左上星期提到嘅課程同認證，參加Case Comp亦係另一個俾同學係得到相關實習同工作經驗之前砌靚CV嘅方法。除左砌CV同俾同學練習好面試外，勝出Case Comp仲有機會直接收Offer！Case Comp睇嘅係同學嘅能力同工作成果，而唔係你來自邊間學校或有無人脈，大家嘅起點都相同。想知點先可以突圍而出？就要快啲睇落去！ . 有邊啲Case Comp？ Case Comp通常由不同公司或認證機構整嘅，以下係其中一啲例子： 銀行／投行：JPM、UBS及HSBC Marketing： P＆G Accounting：ACCA、QP及CIMA Business Proposal 同 Presentation：KPMG及Swire . 各個Case Comp有咩分別？ 由於針對嘅行業不一，各個Competitions都會有唔同嘅 focus，如係要求參加者寫Business Proposals、做Presentation、Financial Analysis或考Creativity 等，從而測試同學不同嘅能力。不過無論係邊個Case Comp，只要有名次都算係唔錯嘅成績，一定要寫返落CV✍🏻。 . 贏出Case Comp六大戰略 1⃣於Year 1及2開始參加：我地一般建議同學係Y1及Y2嘅時候開如參加CaseComp，一來會有多啲時間；二來同學頭兩年都未必會有實習機會，用尼參加Case Comp先唔會浪費Build Up CV嘅時間及機會；三來每次參加Case Comp都係寶貴嘅機會，愈早開始參加，就愈早吸收經驗，增加之後贏出嘅機會👑 . 2⃣貴精不貴多：每個學期可以參加1個比較長期或大型，或者 2個細嘅比賽。有啲同學抱住有殺錯無放過嘅心態去報大量比賽，唔夠時間做就求其寫Proposal，結果全炒，得不償失。而如果專注同認真去做1到2個比賽，務求入到Semi-Finalist、Finalist或champion ，先會係比較好嘅做法 . 3⃣大有大玩，細有細玩：細嘅Case Comp會比較容易入到finalist 或勝出，而大嘅就可以有Brand Name，即使只係Participant 擺係CV都會有用，所以大細比賽都可以參加下 . 4⃣認真選Teammate：Case Comp好著重Team Work，好多人會同朋友一齊參加比賽，但好朋友未必係做野嘅好拍擋，同學應該搵啲能力強而且真心玩case comp嘅人做拍擋，而且可以揀同有唔同技能嘅人合作，你可以朝住"1+1 = 3”嘅方向去搵組員，呢條Formula嘅意思係你盡量搵啲"做到你做唔到嘅野嘅人"，例子：如果你係Business嘅學生，同一個讀工程嘅同學做拍擋，佢會做到你做唔到嘅Technical野，咁樣就可以Create Synergy (協同效應)👯♀ .

5⃣用心盡力去玩：參加Case Comp前做足準備，問下曾經勝出過嘅師兄姐嘅意見，研究定相關資料，俾自己知道Market嘅實際情況；做嘅過程又Chur盡佢，努力做個好Case，唔好做自由騎士，係思維模式上，要朝住「如何做（How）」去諗，例如："How can I do it differently?” & “How to solve problems?”，先會有機會突圍而出 . 6⃣學好報告技巧：Case Comp好多時係最後都會有報告環節，所以係參加呢類型活動前要練習好自己嘅報告技巧，學習下點樣用一個互動、有趣，同令人留下深刻印象嘅方法報告你地嘅成果。甚至可以去YouTube學下，得閒又可以同朋友一齊練習下。 . 參加Case Comp的好處 1⃣Build Up CV：參加Case Comp同同學讀緊嘅大學無直接關係，贏唔贏到，講到底都係睇個Case寫得好唔好，例如話2018-19 年度ACCA個Hong Kong Business Competition就由LingU Accounting嘅同學拎到Champion。三大嘅同學拎到名次一定好開心，而非三大嘅同學拎到名次就更加可以Build Up自己個 CV . 2⃣拎Offer：點解大公司會搞咁多CaseComp？其中一個原因就係要物色人材，勝出嘅同學除左有獎金外，仲有機會拎到Intern Offer . 3⃣當做面試準備：如果同學有留意，近呢兩年大公司除左用Assessment Center或Team Game去做面試外，亦都多左公司如新世界、DBS同Swire會用Hackathon或Case Comp尼搵人 . Hackathon駭客松 同Case Comp 好似嘅活動仲有Hackathon，唔少大公司都開始用Hackathon，尼考驗尼自唔同背景既Candidate，觀察佢地嘅合作成果，從而挑選出適合嘅同學。Hackathon源自IT界，係活動入面，IT 專才會同其他人合作編寫一連串程式去達到某個目的。而Hackathon嘅意義在於：將唔同能力嘅人擺埋一齊睇下佢地嘅Teamwork，仲要係特定嘅時間內，以舉辦機構想要嘅方式去做特定嘅題目。例如之前國泰就試過搞Hackathon比賽，要參加者自行組成團隊，係二十四小時內開發創新同實用嘅技術方案，提升旅客係旅程中嘅飛行體驗 #hkcareers #achievewithus