想入投行/銀行/FinTech/Big等行業？各類可以預先考完的課程同認證列表

好多行業揀人都要求同學有相關實習或工作經驗，經常有同學問我地，如果連第一份實習都未搵到，咁咪永遠都唔會有相關經驗？如果你都面對相同情況，其實可以考慮讀定考定同你有興趣個個行業相關嘅課程同證書，咁樣會大大增加你被選中嘅機會。究竟有咩課程同認證值得留意？快啲Loop落去睇睇！ . ✅Chartered Financial Analyst(CFA)： ⭕行業：投行，特別係Private Bank/Asset Management/Sales and Trading等不過CFA並唔容易考😎，涵蓋範圍廣：Economics、Accounting、Derivative、Professional Ethics，最新仲加入左有Fintech元素，考取CFA Level 1相等於讀一個Sem嘅書。CFA總共有三個Level，未畢業嘅同學只可以考Level 1，而Level 2同Level 3規定要畢業後考，以前有聽過同學揾到辦法偷雞係畢業前考埋Level 2，但結果幾年後俾人發現左，被取消資格，要重考Level 2同Level 3🙈，所以大家畢業前考到Level 1就夠啦 .✅Certified Public Accountant (CPA) & Association of Chartered Certified Accountants (ACCA)： ⭕行業：會計界，係Big4、IBD、PE、VC同Consulting入面唔少人有呢個資歷 值得注意嘅係ACCA可以係畢業前考，而CPA就畢業左先考得，不過Final Year同學可以係Sem 2用 Early Bird報定，早半年考定最多兩份Paper。 考試模式上，CPA只有四份Paper同一個Final Exam，而ACCA就有十四份Paper。由於後者認受性較低，一般會計系畢業生會優先選擇考CPA，而好多其他系嘅畢業生想要有會計師資歷，就會考ACCA，一來聽講易啲，二來每份Paper考嘅野少啲，可以慢慢讀慢慢考 .✅Financial Risk Management (FRM) ： ⭕行業：Risk Management、Corporate 或Global Bank 涉及兩個Level嘅風險管理知識，但係未畢業前都可以考晒。Level 1 主要考Quantitative，而Level 2會考Qualitative。兩者並無深淺之分，大家可以依照能力考，甚至同時考曬佢 .✅ International Compliance Association (ICA): ⭕行業：Compliance 目前唯一具認受性嘅Compliance 資歷，包括唔同專業範圍，如AML、General Compliance、Financial Crime Compliance及Managing Sanction Risks等，未畢業都考得。有消息指個考試會愈來愈難，好多行內人都話要快啲考定 .✅ Common Professional Examination (CPE) ⭕行業：Law、Compliance、Consulting、Banking及Property 英國現行法律專業學歷嘅另類課程，專俾非法律主修嘅畢業生去修讀。CPE又被坊間稱為法律嘅Conversion Course，濃縮嘅課程內容等同一個LLB，修完CPE加上完成香港法律嘅Conversion就有資格申請入讀PCLL(當然唔係包生仔，PCLL有幾難考大家都知)。好多同學本科唔係讀LLB，但畢業後入左Compliance、Consulting、Banking及Property呢幾行，又想進修法津知識或考慮轉行，都會考慮讀CPE。另外仲有嘅選擇係Master of Law或者JD，不過JD既貴 workload又重， Master of Law就只會教特定法津範疇，只可以當增加法律知識，完成後好難申請入讀PCLL，所以CPE就會較有優勢 . ✅Project Management Professional Certification (PMP) ⭕行業：IT、金融、政府及公關推廣 項目管理嘅專業資格，好多IT Consultant、Project Manager同Business Analyst 都會考，但項目管理唔係專屬IT呢行，隨住產品生命週期不斷縮短，收購合併活動頻繁，好多商業活動都變成獨立項目，而項目管理人才就愈來愈重要，甚至連金融、政府部門及公關推廣都好等人用 . ✅Certified Financial Planner/ Associate Financial Planner (CFP/ AFP) ⭕行業：Asset Management或保險 一個係內地認受性較高的國際證書，由國際金融理財標準委員會頒發。係中國實行兩級認證制度，通過AFP先可以再考CFP，比香港保險試IIQE難，但比CFA易，好多保險或者Asset Management嘅人會考 #achievewithus #hkcareers