大學生必讀：一篇文睇晒FMCG入行須知

大學生必讀：一篇文睇曬FMCG入行須知 除左投行、銀行、地產或Conglomerate之外，其實FMCG係香港都係好搵錢嘅行業。唔好聽到FMCG就以為係女同學嘅天下，其實所有對Marketing、Supply Chain 、Sales，甚至係Finance有興趣嘅同學都應該密切留意FMCG 嘅發展，而工作內容、挑戰同Exposure都會好唔同，想知道更多就繼續睇落去！ . ❓FMCG 係咩❓有咩咁特別❓ FMCG 係Fast Moving Consumer Goods 嘅簡稱，意思係指日常生活入面嘅快速消耗品。因為產品嘅價錢唔會太高而又係生活嘅必需品，消費者係購買時會比較隨意，但係小數怕長計，加上消費者會一再回頭去買呢啲快速消耗品，所以係一個既穩定又有發展潛力嘅行業。同學一定有去過萬寧、屈臣氏、惠康同百佳買洗頭水、Body Lotion、清毒紙巾或洗面奶等，不過無論好市壞市，大家都要繼續沖涼、用紙巾同買醬油，所以我地每個人都係FMCG嘅客仔。 . ❓FMCG有咩例子❓ 咁FMCG就當然唔只係洗頭水、Body Lotion、清毒紙巾或洗面奶啦，係行業入面對FMCG 有更細緻嘅分類，如有食品類、化妝品類及個人護理等類別。而不同分類入面都會有不同嘅Market Leaders，我地就係下面列左幾個例子俾同學參考：⭕食品類：Coca-cola、雀巢、百事可樂及Mars（瑪氏食品，出產M&M 同Dove 朱古力）、李錦記等⭕化妝品類：L'Oréal 、Shiseido及Estée Lauder 等⭕個人護理類：P&G、Johnson & Johnson 及RB（Reckitt Benckiser） 等⭕跨類別：好似Unilever就有做食品同個人護理。 而不同類別嘅FMCG公司都會受不同嘅經濟情況影響，如經濟好時啲高檔產品嘅銷量一定會比較好。 . ❓FMCG係女人的天下❓ 好多男同學聽到FMCG都會直覺係女人嘅天下，因為確實有好多女仔因為常用化妝品，而熱衷於係FMCG 行業入面工作 ，但其實正如上面嘅分類中提到，除左化妝品類外，個人護理類同食品類都屬於FMCG，並唔係話男同學就一定唔岩。好似話近年食品類嘅李錦記係香港嘅發展都唔錯，仲學其他公司推出左MT Program，而個人護理類嘅公司都有唔少係到搶攻緊男性市場，如RB嘅皇牌產品杜蕾斯🤭咁，可見FMCG呢行並唔係女人嘅天下。 . ❓入行之後做啲咩❓ 1⃣ Marketing：FMCG好多時候都會同Marketing連繫埋一齊，無論係老牌定係新推出嘅快速消耗品，全部都好依賴Marketing去維持品牌同產品嘅市場佔有率。FMCG 呢行Market Trend 可以改變得好快，同學要有快速調整產品宣傳技巧嘅能力。而同時競爭對手亦不時有新產品推出，你要消化對手產品再調整自己產品嘅Position；除左潮流外，消費者本身嘅行為都好影響行業發展，如依家愈來愈多消費者鐘意上網買野，公司就要做多啲 Digital Marketing Campaign。 如果話做投行同銀行嘅人都想入高盛（Goldman Sachs），咁樣做Marketing嘅同學都會對P&G好有興趣。 . 2⃣Supply Chain ：除左Marketing外，做FMCG嘅supply chain 都好緊要，要維持貨源穩定、係世界各地批有潛力嘅貨品尼香港賣，之後貨品由生產地運輸到香港嘅物流，再落貨到每個零售商嘅店舖，好多時候都要同世界各地嘅廠商、物流同零售商維持良好嘅關係， 當然亦要同Sales Team嘅同事保持溝通，了解市場嘅需求。 3⃣Sales and retail：而家係FMCG嘅Sales 同retail並唔只係要求賣出貨品，無論係網上定舖頭都要俾到顧客一個良好嘅顧物經驗，從而建立顧客嘅忠誠度，令到顧客不停回頭買公司嘅產品，呢類客戶關係管理（Customer-relationship management，CRM）係FMCG都有好大嘅重要性。除左顧客外，係FMCG 工作會同好多External Parties 合作，例如傳媒、Contractor或者係萬寧、屈臣氏同惠康等大型零售商，同佢地溝通協調，安排點樣將你地嘅產品上架，放嘅位置當唔當眼，都會好直接影響Sales。而係網上購物方面，同不同平台好似HKTV mall或Ztore咁建立同發展好嘅合作關係同樣好重要。 . 4⃣Finance：大家唔好以為FMCG就只得Marketing、Sales同Supply Chain，其實每盤生意都好需要Finance，例如我地之前有個同學仔參加左L'Oréal 嘅MT Program ，入左Finance Team，競爭一啲都唔細，每年大約只會有1-2個headcount 。FMCG一般好錫自己嘅親生員工，因為做開嘅同事會好了解品牌同產品嘅資料，知道點樣去推銷同Position啲產品，唔只係會有好多Samples，仲會有好多正常size嘅新產品拎返去試用，甚至用低至五、六折嘅員工折扣買野😍。 睇左咁耐，大家又對FMCG有咩睇法？快啲Tag有興趣入行嘅男女同學入尼睇下啦。記得俾個Like❤、Share💞同save低篇文啦！