五招運用LinkedIn建立Network 同攞Offer🉐

五招運用LinkedIn建立Network 同攞Offer🉐 之前有好多同學仔問我地要點用Linkedin 🤔 同埋點砌好自己係Linkedin嘅Profile，其實係咁多個社交平台入面，Linkedin一定係最能夠直接幫到同學搵工、建立人際網絡、接觸不同公司嘅高層，甚至吸引Headhunter，鋪好求職路嘅平台；唔想錯失實習同Grad Job嘅機會？咁就快啲睇落去，睇下可以點透過以下五招㊙用 Linkedin建立Network 同攞Offer。 ✅Linkedin 對同學嘅重要性 好多同學都以為畢左業先需要用Linkedin，係在學期間整尼都無咩用，但其實Linkedin嘅profile同CV一樣都應該要砌定，可以方便到同學搵工同做networking，非常有用。 . 1⃣搵緊Mentor同想做networking嘅同學🕵🏻♀：Linkedin係一個好好嘅平台俾大家去搵mentor，或者同一啲有用嘅人Connect，例如如果同學想入投行做實習，可以試下係Linkedin到搵係投行入面做緊嘅師兄師姐。同佢地建立connection、問建議，甚至請佢地做你mentor，等自己可以擴闊網絡，同得到行內人嘅實際意見。 . 咁樣做有一個秘訣，就係要搵同自己有「有共通點」嘅人，好似係上上上莊、同系同校師兄姐咁，佢地見你係師弟妹，又有誠意，好多時都會願意幫你。 . 2⃣搵緊實習嘅同學👀：我地之前教過同學仔，如果係Year 1 或2 嘅暑假，入唔到大公司做實習，可以考慮係細少少嘅公司搵暑假／無薪／兼職實習，而Linkedin就係其中一個可以俾同學搵實習嘅地方，同學可以嘗試係Linkedin到直接接觸你想做實習嘅公司，類似send cold email一樣，問佢地會唔會需要實習生。 . 另一個秘訣係直接connect 同聯絡公司嘅senior management，例如係MD或Director，記住訊息唔好太長篇，而且個重點要清晰，好似寫明： HKU Finance Student Looking for Internship ／ CUHK BBA Student Looking for PT Internship Opportunity咁，因為呢類「大佬」一般都好忙，無可能花太長時間睇你個訊息。 . 3⃣搵緊Grad Job嘅同學👩🏻🎓👨🏻🎓：其實好多同學唔知道，Linkedin並不只係一個社交平台，而係一個可以俾你直接報工嘅地方。大家可以試下係Linkedin 左上角嘅搜尋位置打你有興趣的職位，如打Accountant咁，你會發現原來除左搜尋到做緊Accountant 嘅人之外，仲會搵到有關Accountant嘅Job Openings，同學可以睇到份工嘅詳情，同埋透過Linkedin 直接報工！係各大搵工平台以外，一個搵工報工嘅好地方。 . 除左直接報工外，其實仲有好多獵頭公司（Headhunter）會係Linkedin上面幫各大公司搵適合嘅人選，所以同學開account同執好profile其實等於打開道門，俾呢類獵頭公司搵到你，幫你介紹不同工。 . 所以無論同學處於邊個狀態，都好應該好好利用Linkedin 呢個平台。 . ✅Linkedin 嘅遊戲玩法 Linkedin 同FB或IG嘅本質好唔同，係Linkedin上面嘅人都只係會關注職業發展嘅野，所以同學除左要識砌好個Profile外，係Linkedin到做每個動作時都應該要係有不同目的，幫助你建立專業嘅形象： . 4⃣Post🙆🏻♀：盡量唔好係Linkedin post 啲與事業發展無關嘅野，亦即係話同學係Linkedin Post嘅相同文字都應該要配合到你想建立嘅專業形象，甚至係同你想入個行或公司有關，例如可以post你去完Bloomberg 辦公室到參觀之後嘅感受，或你參加左邊啲Case Competition咁，但就唔好post你去完邊到旅行，或最近心情呢類無關痛癢嘅內容。 . 5⃣Connection👫：同學可以花多少少時間嘗試去係Linkedin 上面加人，最初一定係同身邊嘅同學或朋友connect，等自己個profile 更實在，但之後就可以集中去嘗試加一啲你真係想認識嘅專業人士。係connect嘅時候，同樣要記得加一段自介，解釋你加佢地嘅原因，咁都會大大增加其他人accept你嘅機會。 . Linkedin嘅connection有分第一、二同三層📶，只要同愈多人建立connection，你就可以搵到更多同類型嘅人，例如你connect 得愈多data analyst，Linkedin之後就會suggest 更多同data有關嘅connection俾你，而且只要對方accept 左你，你就可以見到佢有咩connection，而從中再去選擇你有無其他人係想connect ，而你新增嘅人見到你同佢嘅朋友有connection，都會有更大機會accept 你。當然，同學都唔好漫無目的咁connect人🧐，因為其他人都會嘗試透過你嘅connection去了解你係邊個領域嘅人，所以建立connection時都要比較小心，諗清楚自己有咩目標。 . 睇完以上Linkedin的用處同玩法後，同學係咪都開始明白到Linkedin的重要性？下星期五我地會再出一篇文教大家有咩技巧可以執靚個Linkedin Profile，有興趣嘅同學記得俾個Like❤、Share💞同Tag💘返朋友仔啦！ . 如果未有Linkedin account嘅同學，記得今個星期好開定啦，第一個要connect嘅當然係我地HKCareers嘅Head Coach Steven Lui 🤩啦！（https://www.linkedin.com/in/stevenluihkcareers）