BBA 同學可以點入各大投行、銀行嘅FINTECH MT / ANALYST
好多人話香港嘅金融科技（FinTech）行業仲有好多發展機會💁♀，唔少公司都望實呢隻金蛋，願意作大規模投資同發展，例如話高盛（Goldman Sachs）係2018年已經開始左招募2022年Technology嘅新生，而2019年CFA考試都會新增有關Fintech嘅科目。FinTech嘅人才👩🏻💻👨🏻💻亦因此變得好搶手。 如果同學仔都想把握機遇，坐上FinTech發展呢枝火箭🚀，就一定唔可以錯過今篇有關FinTech知識嘅分享啦。 ❓做FinTech❓有咩公司揀❓ 1⃣ 投行及銀行近年都有就唔少FinTech 嘅職位進行招聘，如CCBA有開設有關FinTech嘅位 、匯豐有Digital MT，而恒生亦有Digital Associate Program等。咁多投行同銀行開設Digital或FinTech嘅MT計劃，同學都多左好多選擇。第一個好處係發展唔錯，始終都係入大公司做MT，人工會有翻25-35K （想知道各大行業的薪酬表？即刻去返我地網站免費下載返MT Salary list），第二個優點係大公司嘅培訓計劃比較全面同完善，資源又比較多，可以跟嘅Project都會較大型，如係匯豐做Digital工作會有機會跟PayMe呢類大型Project。 2⃣ 咨詢公司（Advisory / Consulting Firm），好似Big4、IBM 同Accenture嘅IT Advisory部門都有好多有關FinTech 嘅project，所以去呢類咨詢公司做都會有唔錯嘅發展 。 3⃣ 中小型或初創（start-up）公司。如果同學仔係Year 1或2，想build up自己嘅CV，拎多啲唔同嘅公司品牌名，都可以考慮係中小型或初創嘅FinTech 做實習（Internship），好似Qupital、WeLab、Contineo、Quantifeed、Ironfly Technologies、FinFabrik、AsiaPay、TNG Wallet同Neat都係一啲唔錯嘅公司例子，Year 1或2同學仔都可以留意下佢地有無請實習生，甚至自己電郵去接觸同問下佢地有無請人。 但若然係搵Grad Job，雖然話係細公司可以參與到好多唔同類型嘅工作，學到嘅技能會較全面，但我地都係鼓勵同學畢業後盡量入返投行、銀行或其他大型咨詢公司到做，無論人工、發展同學習機會都會好好多。 ❓Grad Job 做FinTech❓以下兩點必定要留意： ✅留意某啲中小型或初創公司係咪真係做緊FinTech，定只係掛住個名尼呃Funding。 ✅有部分FinTech 公司係 vendor，提供服務俾大公司如銀行及Conglomerates，呢類公司的發展同人工一般都未必會咁好。 ❓FinTech世界中的工作內容與所需技能 ❓ FinTech世界中，有Data Analyst、Data Scientist同Programmer等等嘅職稱。對於商科出身嘅同學仔尼講，可能真係會聽到黑人問號👨🏿⁉，但要入行都唔一定係無可能嘅，我地之前就有同學試過自學簡單嘅Programming Language，好似Python咁，最後成功入左Bloomberg 做Data Analyst。 如果你都想咁，就要留意以下嘅內容： ✅ Data Analyst同Data Scientist基本工作內容 雖然去到唔同公司嘅情況會有少少分別，但Data Analyst同 Scientist最基本嘅工作係要收集、儲存同分析數據，建設不同嘅演算模型，配合公司或客戶嘅需要，係數據中抽取同整理出具有商業價值嘅資訊同結論，包括搵出新嘅商業機遇（business opportunity） 或對公司業務發展作出不同嘅預估等，然後製作成各類嘅報告。而 Data Scientist比Data Analyst值錢之處，往往係有無辦法做到更高階嘅演算（advanced algorithms），處理大量尼自不同地方（sources）嘅數據，搵出重要資訊，幫助公司同客戶做出更好嘅決定。 而商科同學仔比Computer Science或Statistics同學優勝嘅地方往往係將數據同分析結果視象化，進行生動同具說服力嘅報告方面。試諗下，無論你一個人處理數據有幾勁，如果無能力向老細同客戶解說返分析結果，大家都唔能夠理解同欣賞你嘅工作成果，咁都唔係一個夠成功嘅Data Scientist。 ✅常見Programming Languages 除左Python外，.NET、ASP.NET、C#、Web services、MS/SQL、XML、HTML、CSS、Javascript 同 Java都係經常會用到嘅Programming Languages。 大家睇完可能都會覺得FinTech嘅工作內容比較專業，但正正係因為有難度，如果你能具備呢啲技能，就會成為上面各大公司都想爭取嘅人才🧠。唔知大家又點睇FinTech行業嘅發展，想唔想入行？不妨係下面留言話我地知。 覺得資料有用嘅同學亦唔好忘記俾個Like❤、Share💞同Tag💘返有興趣入FinTech呢行嘅朋友仔。 (ig=hkcareers)
