☀️搵工靠符碌？定靠功課做得足？ Year 1 & 2 同學仔必讀！☀️

新年就到啦！好多人都開始睇定運程書，擺定風水陣。其實歌都有得你唱「命運在我手」，靠算命不如靠自己盡早準備定，係Year 1 同Year 2時好好做足功課，嘗試唔同既工作，搵返自己既專長同合適自己既工作類型，更可以順便砌靚自己個簡歷，一舉數得。就等我地同各位分享返六個Year 1 & 2同學必學的小貼士 ： 1. 多參加公司參觀活動 ＋ Recruitment Talk ＋ Big-4 Student Clubs Year 1 & 2 時間比較輕鬆，可以多參加各大組織搞嘅Firm Visit、iBank同Conglomerate嘅Insight Day，Big4嘅Clubs等。呢啲活動可以俾你了解唔同行業知識、公司文化、部門分工，同埋不同職位既工作內容，令你知道職場有咩選擇，而自己又適合做咩類型嘅工作。去到Year 3 暑期實習要選擇唔同部門嘅時候，呢啲行業知識就肯定會有用。一齊睇下參加唔同活動有咩好處： 公司參觀活動：呢類經驗對之後的面試好有用，同學可以分享俾面試官知你對公司的熱情同認識係來自呢啲活動，仲可以講下個次參觀或recruitment talk點樣啓發到你去報特定的職位。若果你去報Bloomberg嘅工，但其實你從來無去過Bloomberg，而另一個候選人唔單只識用Bloomberg Terminal，仲參觀過Bloomberg 辦公室，講起Bloomberg的工作環境同文化時頭頭是道，咁你話邊個既表現會俾到人更深更好嘅印象？ Recruitment Talk： 公司通常會搵人力資源部同事同中層管理人員尼做分享同介紹，如果同學仔參加活動，可以認識到佢地，而如果同佢地岩傾，可以留返同保持聯絡，咁對之後報工都一定會有幫助。 Big-4 Student Clubs：Big-4 Student Clubs 會搞好多活動俾學生，如果你夠活躍去參加，更有比其他人容易拎到實習機會。 2. 擴大自己嘅人際網絡同埋搵Mentor 好多同學會諗住Mentor可以幫手做介紹，幫你走後門，但其實都唔係咁易做到。除非Mentor本身係比較細型的公司做野，比較有可能介紹到同學入去做實習；若果你想入大企業，由於佢地本身會有比較完善的實習計劃同嚴謹既HR Policy，好難直接介紹同學仔入去，但並唔代表Mentorship Program冇用，反而我地會建議Year1 & 2嘅同學可以盡早透過Mentorship Program ，同係大公司做緊野的Mentor建立關係，擴大個人認識專業人士嘅網絡。呢啲關係同交流可以令你從唔同人嘅經驗同發展中得到啓發，學習去做自己嘅職業規劃 。 3. Year 2 暑期實習 當然同學都會希望Year 2 時候入到大公司做實習，但大公司多數會傾向選擇 Year 3、4，甚至係延畢左尼做實習，經驗豐富嘅同學仔。咁Year 1 & 2嘅同學仔點算好？一齊睇下啦： 其實有唔少暑期實習計劃會考慮你地，例如港交所或中銀的Summer Assistant 計劃，同堆匯豐的Hong Kong Apprenticeship 都會考慮Year 2的同學仔。另外一啲規模較細的銀行、政府部門或證監會（SFC）等等都有唔少實習機會，同學不妨去報下。 同學可以去搵有興趣但規模比較細嘅公司學習，爭取實習機會。甚至可以試下傳cold email 去比較細型的私募基金（Private Equity Firm）或企業財務（Corporate Finance）自薦，雖然可能要傳多幾個先會有回音，但只要勤力啲send多幾個，只要中一、兩個都夠曬數啦 。例如安信國際、長城環亞、創越融資同阿帕斯朗企業融資呢類企業財務都不妨試下，或者會有意外收穫。 最後亦可以考慮參加內地或海外的實習計劃，甚至係Non-paid 嘅實習機會，唔好浪費左暑假的寶貴時間。（植入式廣告出沒注意：我地都有搞去倫敦、悉尼同墨爾本嘅實習計劃呀，有興趣就去呢度https://www.hkcareers-internship.com/ 睇睇啦！） 重點係，實習工作要同你將來想發展嘅行業有關，可以向有興趣的行業方面砌好CV，又可以實在地吸收更多工作經驗，鋪好之後的搵工之路 。 4. 參加Case Competition 好多唔同類型既公司都有搞Case Competition，如P&G，HSBC，QP等等。同學可以按興趣去報返，呢啲比賽通常會要求同學應用商業知識同理論去分析唔同既情境。雖然冠軍只得一隊，但其實有名次都算唔錯嘅成績，將來係面試或者CV都可以分享返。好似以下呢啲比賽的例子： ．HSBC/HKU Asia Pacific Business Case Competition ．Global Competition ．EY Asia-Pacific Cyber Case Competition ．AlphaSights’ Case Competition 5. 國際暑期課程或會議（International Summer Course or Conference） 最後，如果同學喺暑假搵唔到相關嘅工作機會，千祈唔好俾自己Year 1 & 2 呢段時間的CV空白左，可以揾下學校推廣有無國際暑期課程或會議尼參加，增加自己嘅國際視野同參加活動經驗，令CV 更多元化。 6. 讀書 同學喺Year 1& 2 嘅GPA 其實非常重要，喺搵工嘅基礎，之後報暑期實習都要靠Year 1&2 嘅CGPA。所以同學可以將GPA維持喺3.3或以上，對搵實習好有幫助。再者，如果同學可以維持穩定嘅成績，Year 3 或4 嘅時候就唔會有咁大壓力要追GPA。同學可以策略地計劃每個學期讀嘅科目，將一定會爛Grade嘅科或者平均分比較低嘅科目喺做學生交流時先尼讀，用Trans Credit方法 Trans 走佢。 睇左咁耐，有無啓發到你點樣去計劃自己Year 1 & 2 的時間？不如係下面留言話俾我地知你諗住做參加啲咩實習同活動，一齊針針佢。