想入IB必知：新上市規則「同股不同權」為IPO Field 帶黎既優勢

相信好多Finance既同學仔對IPO唔會陌生，IPO team係處理公司上市事項，最近港交所宣佈「同股不同權」既新上市規則下周一生效，呢個新既規則會對投行（特別IPO）帶黎新既機遇，咁對想入IB既學生有咩影響❓同埋係面試入面點樣透過「同股不同權」去突圍而出❓ 🕵️‍♂️首先：「同股不同權」究竟係咩❓ 係2014年阿里巴巴係美國上市既時候已經有用「同股不同權」，亦因為咁果時有好大輿論。大家都知馬雲係創辦人，但係咁多年黎因為阿里巴巴做過好多融資、派股等去注入資金，所以係上市既時候，馬雲只擁有7%到既股份，相比起投資者（比如：日本软银持股36.7%、雅虎持股24%），佢明顯地唔係最大單一股東，但係佢又唔想失去對公司既決策權，而「同股不同權」就容許股份擁有唔對等既投票權。 簡單啲講「同股不同權」可以比上市公司發行唔同級別既股份，而高級啲級別既可以擁有大啲比例既投票權（通常係比創辦人或者合伙人），所以管理層可以做到係公司上市後投票權唔會比其他股東所攤薄。 🕵️‍♂️其次：「同股不同權」為金融界同IB有咩影響❓ 係港交所宣佈新上市規則時已經為金融界帶黎好多正面討論，因為新政策會令到多左內地企業黎港上市。同時間港交所亦透露會有十幾間新經濟企業有興趣來港上市，包括小米、滴滴出行、騰訊下既一系列公司，QQ錢包等內地科網企業及生物公司。 ‼️‼️如果清楚IB field既同學仔都知道：近年各大投行 IPO Team既Fresh Grad headcount 相對較少，反而M&A、DCM team會較多，係新上市規則既帶動下有機會令IBD IPO Team 有更多發展機會。 ‼️‼️而對Compliance有興趣既同學仔要留意，其實呢個上市規則都引起一啲Compliance 問題，如香港唔似美國咁有集體訴訟機制，對小投資者會少左保障。 🕵️‍♂️睇下社會各界又講啲咩❓ 財經界： 「部份細節要改善」 陳茂波： 「可擴闊本港市場」 澳洲會計師公會：「為港增競爭力」 網民J：「香港學唔學到歐美罰上市公司以億美元計，每年所謂最佳營商環境三甲偏幫大企換返黎，搵佢做ceo就係推同股不同權。」 網民A：「正，外資撤退的時間不遠了，將賭枱改成只有賭客輸的rules，好，李小西死期近了」 網民B：「Just another back door for the red guys up the north」 😉你又覺得「同股不同權」係咪真係唔公平？又對香港經濟發展係點？係下面話比我地知！😉