「Consulting 必知： Big 4 Advisory 同MBB 既前景同分別」

大家都知道MBB難入既程度媲美IB FO（Front Office），但係人工又差一截，但點解都仲係咁多有能力既學生Prefer Consulting？如果你而家未夠料子入MBB，做住Big4 Advisory先，將來又可唔可以跳去MBB或者2nd Tier Consulting Firm？你會係呢篇Article揾到答案。 ❗❗首先講左MBB先，MBB係指McKinsey & Company、Boston Consulting Group同Bain & Company，除外，仲有較為出名既第四同第五間：Oliver Wyman同OC&C。佢地最主要做既Consulting係圍繞M&A Strategy，Business Strategy：Expansion/ Downsizing 同Financial Advisory。大家聽個名都知係會牽涉好多戰略規劃（Strategic Planning）同數據分析。 人工方面：Junior起薪點係30k-40k。雖然人工同一般IB FO（40k-80k)差好多，但因為勝在工作性質多元化，文化同Exit Opportunity夠廣，所以好多叻既學生會選MBB而唔係IB。另外因工作需要會有好多Travelling機會，一個月飛十個城市不是夢。 至於Exit Opportunities方面： 1）創業：有好多Consultant會出黎自己開Consulting 公司或者其他Startup 2）跳去其他公司：因為Consulting可以有好闊既Exposure，所以將來可以跳去Tech Firm，IB或者Conglo做Consulting／其他相關工作。曾經有Candidate由MBB 俾人R左去Swire Internal Advisory Team。而果條Team只係收有專門經驗既人，就算MT 都未必有機會接觸到。 3）係MBB／2nd-Tier Consulting Firm 做Management 因為MBB／2nd- Tier Consulting門檻好高，所以Big4 Advisory都會係一個幾好既跳板。 ❗❗Big 4 Advisory主要負責Internal Control Advisory，例如Risk Advisory、IT Advisory、Compliance Advisory。如果入MBB難度等同Ibank，Big 4 Advisory 就差唔多係MT Level。大部份人工會同Audit 一樣（2017：$14,500）。但係勝在工時較短同人工增幅較快（兩三年後同MT差唔多而 Bonus 亦會比Audit 多），所以都係一個唔錯既選擇。 另外，Big 4 亦都有類似MBB既業務，例如PwC Deal Advisory、Deloitte Strategy & Operation Advisory 、KPMG Valuation Team 、Transactioal Service、Re-structuring Team 等，但往往MBB 個名比較響，好既Deal 都會俾MBB 搶左黎做。 前景方面：隨住近年Compliance 、Risk Management 方面Regulator 捉得愈來愈緊，變相好多銀行、大公司都會請Big 4做Internal Control 方面既Advisor,另外,有D functions 如Financial Crime Compliance 直情外判左比佢地,所以黎緊對呢行既人材既需求會更加有增冇減。 另外，因為Big4 Consultant係工作上都會接觸好多Clients同建立Connections，唔少Consultant都可以跳到In House或者FIs 工作，Exit Opportunity 都唔錯。 ➡️另外同學要留意近排新興既Digital Advisory，佢既概念係將新興既Digital Tool/Technology 替代日常鎖碎既工作程序，或者係做Digital Marketing/ Digitalization Project, 不過目前都係Growth 緊既階段，只有Deloitte 同BCG呢方面比較出名，有興趣同學可以睇返佢地既Job Post 。 ---- 睇完記住比個LIKE👍👍！如果覺得有用，可以Tag你個朋友睇。😊