做summer intern 想攞 return offer ，一定要做三樣野

其實一般公司，只得3-5成summer intern 得到return offer，無你想象中咁易。上星期我地出左video,但知道有同學更prefer 文字，所以今個星期會出word post 1. 適當地做networking 以前見過有學生一入公司就博命派卡片，同同事扮晒friend。但其實你做得太明顯，反而會令人對你印象唔好。事實上，最決定你攞唔攞到return offer 既係你team head。雖然一般係由divisional head or director grade決定你有無return offer，但因為佢地一般好少機會同你接觸或review 你d 工作，因此好依賴team head 對你的評價同意見。所以，最緊要係要討好team head。我地會suggest 學生去到第三至四個星期約team head 食餐飯。你可以話有d career 上既東西想請教下，一般上司都會答應。吃飯時可以虛心請教一下上司，留過好印象 2. 主動提出projects 以前，有位在JP Morgan 做的summer intern 主動向上司提出想做一個project 幫部門提升溝通效率。最後成功取得return offer。這種做法我們一分建議。主動提出projects 會令上司欣賞你的態度。你做intern 時不防想一想有咩可以幫到條team，然後主動提出 3. 要當正自己係full time staff 一般同事會因為你係summer intern ,對你要求較低。但係你千萬唔可以因為咁而對自己要求低。你要要當正自己係full time staff ，做野要快，要等老細走左先好放工，返工時唔好用電話, 無野做就問下老細有咩幫到手