面試問呢題係咪傻咖?我點會識答呀?(懶人包收埋左係最底)

January 10, 2020

 

 

個日當我企起身扣好件新西裝嘅衫扭,深呼吸行入間房面試嘅時候,我真係以為我做好曬準備咖啦😭 公司同部門嘅資料我背到滾瓜爛熟,咩自我介紹、情境題、同CV-based Questions我都準備好曬,但坐到去個Interviewer面前,當佢開口問問題嘅時候,我先知道,原來仲有野係我未Prep咖⋯⋯死梗啦今次😭⋯⋯

.

咁又唔使死嘅,有小編係到,當然會幫你諗定曬面試有咩問題。今次小編就為你整合左2020必準備新聞🧳,同埋呢啲新聞會點樣影響你In嘅行業,同面試有咩關係等。如果你有睇到呢篇文,就唔使係Interviewer面前先er...er...er...🤓咁先諗點答啦~

.

❓讀新聞點樣幫到你答問題?

1️⃣Interviewers好鍾意問你覺得佢地公司面對啲咩挑戰,可以點算等等。咁係2019年,10個Candidiate入面有9個都會用Trade War或香港示威做例子,真係悶唔悶啲先?就算你點答得好,都好難令Interviewer留下印象。

.

2️⃣唔只面試,連Written Test 都好有可能問你覺得XXX新聞點樣影響間公司,如果你無Prep到單新聞,就要就要靠創作力量同幻想咖啦
.

‼️2020 必讀新聞 ‼️

講左咁耐,究竟有咩新聞係你必讀嘅?小編為你精選左以下5️⃣大新聞出尼:

.

1️⃣伊朗和美國關係緊張,有機會開戰?

💼有咩工受影響:S&T、Asset Management 及Commercial Banking等

📍關你咩事:呢單新聞最直接影響嘅一定係必須品Commodities 。好多同學都知伊朗係第二大產油國🛢,過往隨住美國對伊朗制裁政策嘅變動,都對油價帶來直接影響,而今次兩國關係咁緊張,金價、油價、期油及期金都有上升,而伊朗如果再採取更激烈嘅報復行動,好可能會更進一步推高油價!

🗣預計面試問題:

  • 你預計美伊事件會進一步對金價、油價、期油及期金等產品帶來咩影響?

  • 美伊事件會點樣影響客戶嘅Investment Portfolio?

  • 你會建議有咩方法對沖風險?

  • 可唔可以介紹啲對沖產品俾我?

🕶想知更多睇呢篇:〈伊朗若報復 油價會漲到哪?

.

2️⃣武漢不明肺炎:

💼有咩工會受影響:所有行業😱

📍關你咩事:武漢不明肺炎嘅恐怖在於佢好似當年嘅SARS,而當年SARS😷失業率去到8.7%,恒生指數一度跌至8,000點,樓市亦跌破低位,當中受災情嚴重影響嘅淘大花園55萬就能買到個單位。所以話,無論你係見地產、銀行、FMCG定係政府工啦,都一定會受到影響!

🗣預計面試問題:

  • 當年沙士時,恒指跌到幾點?

  • 如果香港爆發武漢肺炎,你預計會對樓市/股市/零售市場帶來咩影響?(可以背定沙士當時嘅數據去回答呢類問題)

  • 如果武漢肺炎係香港大爆發,經濟受到打擊,你認為我地公司可以點捱過呢關?

  • 🕶想知更多睇呢篇:〈SARS重臨會點?

小編發現自己真係有好多野想話你知,寫到個Post都爆字數啦,仲有三單新聞未寫⋯⋯不如咁啦,如果你想睇埋另外三單News,就係星期一中午前係IG Post 下面Tag🌀兩個朋友,咁小編就會Send個時事懶人包俾你,講埋另外三單新聞😌!

#achievewithus #hkcareers #hkcareers2020jan #hkcareersInterviewTips #HKCareersUpdates

 

Please reload

Categories
Recent Posts
Please reload

Archive